மின்வாரிய அலுவலகத்தில்  பாலியல் தொல்லை கொடுத்த அதிகாரியை ”பளார்”  விட்ட பெண் ஊழியர் ...  வைரல் வீடியோ!

 

 

உத்தரப் பிரதேச மாநிலம் ஹமிர்பூர் மாவட்டத்தில் உள்ள மின்சார வாரிய அலுவலகத்தில், தனக்கு பாலியல் தொல்லை கொடுத்த செயற்பொறியாளர் ஒருவரை பெண் ஊழியர் தாக்கிய சம்பவம் பெரும் பரபரப்பை ஏற்படுத்தியுள்ளது.

கணவரை இழந்த அந்தப் பெண் ஊழியரைத் தனது அறைக்கு அழைத்த அந்த அதிகாரி, அவரைக் கைபிடித்து இழுத்ததாகக் கூறப்படுகிறது. இதனால் கடும் ஆத்திரமடைந்த பெண் ஊழியர், அதிகாரியைத் தாக்கியுள்ளார். மின்சார வாரிய அலுவலகத்திற்குள் நடந்த இந்தச் சம்பவம் தொடர்பான காணொலி சமூக வலைதளங்களில் வெளியாகிப் பெரும் பேசுபொருளாக மாறியுள்ளது.

இதையடுத்து, பாதிக்கப்பட்ட பெண் ஊழியர் அளித்த புகாரின் அடிப்படையில் காவல்துறையினர் வழக்குப் பதிவு செய்து தீவிர விசாரணை நடத்தி வருகின்றனர். அலுவலகத்தில் நடந்த இந்தச் சம்பவம் குறித்த வீடியோ வைரலாகி வரும் நிலையில், உயர் அதிகாரிகள் மட்டத்திலும் நடவடிக்கை எடுக்கப்படுமா என்ற எதிர்பார்ப்பு எழுந்துள்ளது. இதுபோன்ற முக்கியச் செய்திகளை தினமாலை.காம் தளத்தில் உடனுக்குடன் அறிந்து கொள்ளலாம்.