பழம்பெரும் பாலிவுட் இயக்குநர் குகு கோலி காலமானார் - திரையுலகினர் நேரில் அஞ்சலி!

பாலிவுட் திரையுலகின் பிரபல இயக்குநரும் நடிகை அருணா இரானியின் கணவருமான குகு கோலி, மாரடைப்பு காரணமாக மும்பையில் உள்ள தனியார் மருத்துவமனையில் இன்று அனுமதிக்கப்பட்ட நிலையில், சிகிச்சைப் பலனின்றி காலமானார். அவருக்கு வயது 77.

அஜய் தேவ்கனின் அறிமுகம்: பாலிவுட் நட்சத்திர நடிகர் அஜய் தேவ்கன் கதாநாயகனாக அறிமுகமான 'பூல் அவுர் காந்தே' (1991) திரைப்படத்தை இயக்கியதன் மூலம் குகு கோலி பெரும் புகழ்பெற்றார். அதனைத் தொடர்ந்து 'சுஹாக்', 'ஹகீகத்', 'அனாரி நம்பர் ஒன்' மற்றும் 'யே தில் ஆஷிகானா' உள்ளிட்ட பல சூப்பர் ஹிட் திரைப்படங்களை இயக்கி முன்னணி இயக்குநராக வலம் வந்தார்.

குகு கோலியின் திடீர் மறைவு செய்தி கேட்டு பாலிவுட் திரையுலக பிரபலங்கள், நடிகர்கள் மற்றும் ரசிகர்கள் பலரும் தங்களது ஆழ்ந்த இரங்கலைத் தெரிவித்து வருகின்றனர். அவரது உடல் மும்பையில் உள்ள இல்லத்தில் அஞ்சலிக்காக வைக்கப்பட்டுள்ள நிலையில், இறுதிச் சடங்குகள் நாளை நடைபெறும் என அவரது குடும்பத்தினர் அறிவித்துள்ளனர்.