பிரேசில் நாட்டில் ஒட்டுமொத்த உலகையே உலுக்கும் வகையிலான நெஞ்சைப் பதற வைக்கும் சாகச விபத்துச் சம்பவம் அரங்கேறியுள்ளது. அப்பகுதியில் உள்ள ஒரு புகழ்பெற்ற சாகச விளையாட்டு மையத்திற்கு, 24 வயது மதிக்கத்தக்க இளம்பெண் ஒருவர் தனது விடுமுறை நாளைக் கொண்டாடுவதற்காக வந்துள்ளார். அங்குள்ள உயரமான பாலத்தில் இருந்து குதிக்கும் 'பஞ்சி ஜம்ப்' சாகச விளையாட்டில் ஈடுபட அவர் ஆவலோடு முற்பட்டுள்ளார்.

இதற்காக அந்த இளம்பெண் பாலத்தின் உச்சியில் தயாராக நின்றபோது, அங்குப் பணியில் இருந்த சாகச மைய ஊழியர்கள் அவருக்குப் பொருத்த வேண்டிய முக்கியப் பாதுகாப்பு கயிறுகளைச் சரியாகப் பூட்டிப் பொருத்தாமல் மறந்துவிட்ட நிலையில், அலட்சியம் காட்டியதாகக் கூறப்படுகிறது. இதனைச் சரிவரக் கவனிக்காத அந்த இளம்பெண், ஊழியர்கள் சிக்னல் கொடுத்ததும் பாலத்தில் இருந்து தலைகீழாகக் கீழே குதித்துள்ளார்.

View this post on Instagram

A post shared by CARAMEL (@caramelmagazineusa)

அடுத்த வினாடியே, பாதுகாப்பு கயிறு கழன்று கொண்டதால் நிலைதடுமாறிய அந்த இளம்பெண், சுமார் 35 மீட்டர் (சுமார் 115 அடி) உயரத்தில் இருந்து எவ்விதப் பிடிப்பும் இன்றி கீழே விழுந்து தரையில் மோதினார்.

இந்தக் கொடூரமான விபத்தில் அந்த இளம்பெண்ணுக்குத் தலை மற்றும் உடலில் பலத்த காயங்கள் ஏற்பட்டு, சம்பவ இடத்திலேயே துடிதுடித்துப் பரிதாபமாக உயிர் பிரிந்தது.

நெஞ்சை உறைய வைக்கும் இந்த விபத்தின் நேரடிச் சிசிடிவி காட்சிகள் தற்போது சமூக வலைதளங்களில் வெளியாகிப் பார்ப்போரை உலுக்கியுள்ளதுடன், காட்டுத்தீயாய் பரவி பெரும் பரபரப்பை ஏற்படுத்தி வருகிறது. விபத்து குறித்துத் தகவலறிந்து சம்பவ இடத்திற்கு விரைந்து சென்ற பிரேசில் நாட்டுப் போலீசார், சாகச விளையாட்டுகளில் கடைப்பிடிக்க வேண்டிய சர்வதேசப் பாதுகாப்பு விதிமுறைகளைப் பின்பற்றாமல் அலட்சியமாகச் செயல்பட்டதாகக் கூறி, அந்தச் சாகச மையத்தின் மீது உடனடியாக வழக்குப்பதிவு செய்தனர்.

மேலும், இந்த விபத்திற்குக் காரணமான முக்கிய ஊழியர்கள் 3 பேரை போலீசார் கைது செய்து சிறையில் அடைத்துள்ளனர். ஒரு சில நொடிகள் கவனக்குறைவால் 24 வயது இளம்பெண்ணின் உயிர் சாகச விளையாட்டின் போதே பாதியிலேயே பறிபோன சம்பவம் சர்வதேச அளவில் விளையாட்டு ஆர்வலர்களிடையே பெரும் சோகத்தையும், அதிர்ச்சியையும் ஏற்படுத்தியுள்ளது