”விஜய் அஞ்சி சென்றார்; நாங்கள் ஓடி ஒளிய மாட்டோம்” - திருச்சி விமான நிலையத்தில் உதயநிதி பேட்டி!

தஞ்சாவூர் செங்கிப்பட்டி காவல் நிலைய விசாரணைக்குப் பிறகு, சென்னை திரும்புவதற்காகத் திருச்சி விமான நிலையம் வந்த எதிர்க்கட்சித் தலைவர் உதயநிதி ஸ்டாலின் செய்தியாளர்களைச் சந்தித்துப் பேசினார். அப்போது தற்போதைய முதலமைச்சர் விஜய்யின் கடந்தகால செயல்பாடுகளைச் சுட்டிக்காட்டி அவர் கடுமையாக விமர்சித்தார்.

"கடந்த 2025-ஆம் ஆண்டு செப்டம்பர் மாதம் கரூரில் நடந்த அரசியல் பரப்புரையின் போது ஏற்பட்ட கோரமான கூட்ட நெரிசலில் சிக்கி, குழந்தைகள் மற்றும் பெண்கள் உட்பட 41 அப்பாவி மக்கள் உயிரிழந்தனர். அந்தத் துயரச் சம்பவத்திற்குப் பிறகு, கரூரில் இருந்து திருச்சி விமான நிலையம் வந்த அன்றைய தவெக தலைவரும், தற்போதைய முதலமைச்சருமான விஜய், அங்கே திரண்டிருந்த செய்தியாளர்களை எதிர்கொள்ள அஞ்சி எந்தக் கேள்விக்கும் பதில் சொல்லாமல் சென்னைக்கு வேகமாகச் சென்றுவிட்டார்" எனச் சாடினார்.

தொடர்ந்து பேசிய உதயநிதி, "நாங்கள் அப்படிப்பட்டவர்கள் அல்ல. எத்தகைய இக்கட்டான சூழ்நிலை வந்தாலும், எவ்வளவு கடுமையான கேள்விகள் முன்வைக்கப்பட்டாலும் செய்தியாளர்களை நேரடியாகச் சந்தித்து மக்களுக்குப் பதில் அளிக்கும் தைரியம் எங்களுக்கு எப்போதும் உண்டு" என்று கூறினார். "எந்த நிலையிலும் பத்திரிகையாளர்களைச் சந்திப்பதை விட்டுவிட்டு நாங்கள் ஓடி ஒளிய மாட்டோம்" எனத் தனது பேட்டியில் திட்டவட்டமாகக் குறிப்பிட்டார்.