விஜய் அமைச்சரவையில் 20 அமைச்சர்களா?...  வைரலாகும் உத்தேச பட்டியல்!

தமிழக சட்டமன்றத் தேர்தலில் 108 இடங்களை வென்று தனிப்பெரும் கட்சியாக உருவெடுத்துள்ள தமிழக வெற்றிக் கழகத்தின் தலைவர் விஜய், விரைவில் முதலமைச்சராகப் பதவியேற்க உள்ளார். இந்தச் சூழலில், விஜய்யின் புதிய அமைச்சரவையில் இடம்பெறப் போகும் அமைச்சர்கள் குறித்த உத்தேசப் பட்டியல் சமூக வலைதளங்களில் மிக வேகமாகப் பரவி வருகிறது. குறிப்பாக, விஜய்யின் அமைச்சரவையில் மொத்தம் 20 அமைச்சர்கள் மட்டுமே இடம்பெற வாய்ப்புள்ளதாகத் தகவல்கள் தெரிவிக்கின்றன.

நிர்வாக வசதிக்காகவும், அரசுச் செலவினங்களைக் குறைக்கவும் மிகச் சிறிய அளவிலான அமைச்சரவையை அமைக்க விஜய் திட்டமிட்டுள்ளதாகக் கூறப்படுகிறது. இந்தப் பட்டியலில் கட்சியின் முக்கிய நிர்வாகிகள், நீண்ட கால அரசியல் அனுபவம் கொண்டவர்கள் மற்றும் புதிய முகங்களுக்குச் சமமான வாய்ப்பு அளிக்கப்பட்டுள்ளதாகத் தெரிகிறது. குறிப்பாக, பெண்களுக்கு அதிக முக்கியத்துவம் கொடுக்கும் வகையில் 22 பெண் எம்.எல்.ஏ-க்களில் சிலருக்கு அமைச்சர் பதவி வழங்கப்படலாம் என்ற பலத்த எதிர்பார்ப்பு நிலவுகிறது.

தவெக ஆட்சி அமைக்க இன்னும் 12 உறுப்பினர்களின் ஆதரவு தேவைப்படும் நிலையில், கூட்டணி ஆதரவு அளிக்கும் கட்சிகளுக்கும் அமைச்சரவையில் இட ஒதுக்கீடு செய்யப்படலாம். அவ்வாறு கூட்டணி ஆட்சி அமையும் பட்சத்தில், அமைச்சர்களின் எண்ணிக்கை 20-லிருந்து சற்று அதிகரிக்கவும் வாய்ப்புள்ளது. இருப்பினும், விஜய்யின் அதிகாரப்பூர்வ அமைச்சரவைப் பட்டியல் அவரது பதவியேற்பு விழாவிற்குச் சற்று முன்னதாகவே வெளியாகும் என்பதால், அதுவரை இந்த 20 அமைச்சர்கள் குறித்த தகவல் அரசியல் வட்டாரத்தில் பெரும் விவாதமாகவே இருக்கும்.