விவசாயிகளுக்கு நற்செய்தி... பயிர்க்கடன் தள்ளுபடி செய்ய முதல்வர் விஜய் திட்டம்!

தமிழக முதலமைச்சராகப் பொறுப்பேற்ற ஜோசப் விஜய், தனது முதல் நாளில் 3 முக்கிய அரசாணைகளில் கையெழுத்திட்டுப் பணிகளைத் தொடங்கியுள்ளார். இதனைத் தொடர்ந்து, விவசாயிகளின் நீண்ட நாள் கோரிக்கையான பயிர்க்கடன் தள்ளுபடி குறித்த அதிகாரப்பூர்வ அறிவிப்பை அவர் வெளியிட உள்ளதாகத் தகவல்கள் வெளியாகியுள்ளன. தமிழக வெற்றிக் கழகத்தின் தேர்தல் வாக்குறுதிகளை நிறைவேற்றும் வகையில் இந்த நடவடிக்கை அமைய உள்ளதால் விவசாயிகள் மத்தியில் பெரும் மகிழ்ச்சி ஏற்பட்டுள்ளது.

இந்தத் திட்டத்தின்படி, 5 ஏக்கருக்குக் குறைவாக நிலம் வைத்துள்ள சிறு மற்றும் குறு விவசாயிகள் கூட்டுறவு வங்கிகளில் பெற்ற பயிர்க்கடன்கள் முற்றிலும் தள்ளுபடி செய்யப்படும் என எதிர்பார்க்கப்படுகிறது. தேர்தல் அறிக்கையில் குறிப்பிட்டபடி, விவசாயிகளின் சுமையைக் குறைப்பதே அரசின் முதல் நோக்கம் என அரசு வட்டாரங்கள் தெரிவிக்கின்றன. இதன் மூலம் தமிழகம் முழுவதும் உள்ள லட்சக்கணக்கான விவசாயக் குடும்பங்கள் நேரடியாகப் பொருளாதாரப் பலன்களைப் பெறும் என்பது குறிப்பிடத்தக்கது.

தற்போது இதற்கான விரிவான வழிகாட்டுதல்களைத் தயாரிக்கும் பணியில் வருவாய்த்துறை மற்றும் கூட்டுறவுத்துறை அதிகாரிகள் தீவிரமாக ஈடுபட்டு வருகின்றனர். தகுதியுள்ள பயனாளிகளின் பட்டியலைச் சரிபார்க்கும் பணிகள் முடிந்தவுடன், இதற்கான முறையான அறிவிப்பை முதலமைச்சர் விஜய் வெளியிடுவார் எனக் கூறப்படுகிறது. ஏற்கனவே மகளிர் உரிமைத் தொகை உயர்வு குறித்த எதிர்பார்ப்பு நிலவி வரும் நிலையில், விவசாயிகளுக்கான இந்த அறிவிப்பு அரசின் மீதான நம்பிக்கையை மேலும் அதிகரித்துள்ளது.