இப்போது சட்டமன்றம் தான் சினிமா... முதல்வர் விஜய் குறித்து நடிகர் சதீஷ் நையாண்டி!

முன்பெல்லாம் பொழுதுபோக்குக்காகச் சினிமா பார்ப்போம் ஆனால் இப்போது முழுக்க முழுக்கச் சட்டமன்றத்தையே பார்க்கிறோம் என நடிகர் சதீஷ் தெரிவித்துள்ளார். அரசியல் களம் குறித்து அவர் பேசியுள்ள இந்த நகைச்சுவையான கருத்து தற்போது சமூக வலைத்தளங்களில் வைரலாகப் பரவி வருகிறது.

விஜய் அரசியலுக்கு வருகிறார் என்றவுடன் இனி அவரைத் திரையில் பார்க்க முடியாதே என வருந்தினேன். ஆனால் தற்போது இருபத்து நான்கு மணி நேரமும் விஜய் சாரைப் பார்க்க முடிவதால் மிகவும் மகிழ்ச்சியாக இருக்கிறேன் என அவர் நகைச்சுவையாகக் கூறினார்.

திரைத்துறையை விட்டு விலகி முழு நேர அரசியலில் இறங்கியுள்ள நடிகர் விஜய் குறித்த அவரது இந்த கிண்டலான பேச்சு பலரது கவனத்தை ஈர்த்துள்ளது. மேடையில் அவர் பேசிய இந்தக் கருத்துகள் அரங்கில் இருந்தவர்களிடையே சிரிப்பலையை ஏற்படுத்தியது.