விழுப்புரம் அருகே  அரசு விரைவுப் பேருந்து விபத்து... 11 பயணிகள் படுகாயம்!

விழுப்புரம் மாவட்டம் விக்கிரவாண்டி அருகே மேம்பாலப் பணிகள் நடைபெற்று வரும் பகுதியில் சென்றுகொண்டிருந்த அரசு விரைவுப் பேருந்து திடீரென விபத்துக்குள்ளானது. எதிர்பாராதவிதமாக நிகழ்ந்த இந்த விபத்தில் பேருந்தில் பயணம் செய்த 11 பேருக்கு லேசான காயம் ஏற்பட்டது.

காயமடைந்த பயணிகளை மீட்புப் பணியாளர்கள் உடனடியாக மீட்டு, சிகிச்சைக்காக மருத்துவமனைக்கு அனுப்பி வைத்தனர். அவர்களுக்கு தேவையான மருத்துவ சிகிச்சை அளிக்கப்பட்டு வருகிறது.

விபத்து காரணமாக தேசிய நெடுஞ்சாலையில் சிறிது நேரம் போக்குவரத்து பாதிக்கப்பட்டது. இதனால் அந்தப் பகுதியில் வாகனங்கள் நீண்ட வரிசையில் அணிவகுத்து நின்றதால் கடும் போக்குவரத்து நெரிசல் ஏற்பட்டது.விபத்து குறித்து சம்பந்தப்பட்ட அதிகாரிகள் விசாரணை நடத்தி வருகின்றனர். மேம்பாலப் பணிகள் நடைபெறும் பகுதியில் ஏற்பட்ட இந்த விபத்தால் வாகன ஓட்டிகள் கவனமாக செல்ல அறிவுறுத்தப்பட்டுள்ளனர்.