உளுந்தூர்பேட்டை சட்டமன்ற தொகுதி ... வெற்றியைத் தக்க வைக்க  திமுக  பரபர!  

கள்ளக்குறிச்சி மாவட்டத்தின் முக்கியத் தொகுதியான உளுந்தூர்பேட்டையில் 1951 முதல் 2021 வரை மொத்தம் 16 முறை சட்டமன்றத் தேர்தல்கள் நடைபெற்றுள்ளன. இந்தத் தொகுதியின் தேர்தல் வரலாற்றில் திமுக 8 முறை வெற்றி பெற்றுத் தனது அசைக்க முடியாத பலத்தை நிரூபித்துள்ளது. அதிமுக 5 முறையும், காங்கிரஸ் 3 முறையும், சுதந்திராக் கட்சி ஒரு முறையும் இங்கு வெற்றி பெற்றுள்ளன. கடந்த 2011 மற்றும் 2016 தேர்தல்களில் அதிமுக வெற்றி பெற்றிருந்த நிலையில், 2021-இல் திமுக மீண்டும் இத்தொகுதியைக் கைப்பற்றியது குறிப்பிடத்தக்கது.

தற்போது திமுகவைச் சேர்ந்த ஏ.ஜே. மணிகண்டன் இந்தத் தொகுதியின் சட்டமன்ற உறுப்பினராகப் பதவி வகித்து வருகிறார். கடந்த 2021 தேர்தலில், இவர் அதிமுகவின் சிட்டிங் எம்எல்ஏ குமரகுருவை சுமார் 5,256 வாக்குகள் வித்தியாசத்தில் வீழ்த்தி வெற்றி பெற்றார். குறிப்பாக, 2016 தேர்தலில் தேமுதிக தலைவர் விஜயகாந்த் இங்கு போட்டியிட்டுத் தோல்வியைத் தழுவியது இந்தத் தொகுதியின் முக்கிய அரசியல் நிகழ்வாகப் பார்க்கப்படுகிறது. சிட்டிங் எம்எல்ஏ என்ற முறையில் ஏ.ஜே. மணிகண்டன் தொகுதி முழுவதும் தீவிரப் பணிகளை மேற்கொண்டு வருகிறார்.

வரும் 2026 சட்டமன்றத் தேர்தலில், உளுந்தூர்பேட்டை தொகுதியில் மீண்டும் திமுக - அதிமுக இடையே நேரடிப் போட்டி நிலவும் என எதிர்பார்க்கப்படுகிறது. இழந்த தொகுதியை மீண்டும் மீட்டெடுக்க அதிமுகவின் முன்னாள் எம்எல்ஏ குமரகுரு தீவிரமான களப்பணிகளில் ஈடுபட்டு வருகிறார். அதே சமயம், ஆளுங்கட்சியின் செல்வாக்கு மற்றும் தொகுதி மேம்பாட்டுப் பணிகளை முன்வைத்து திமுக தனது வெற்றியைத் தக்கவைக்கப் போராடுகிறது. இரு கட்சிகளும் சமபலத்துடன் மோதுவதால், உளுந்தூர்பேட்டை தொகுதி மக்கள் யாருக்கு மகுடம் சூட்டுவார்கள் என்ற எதிர்பார்ப்பு இப்போதே அதிகரித்துள்ளது.