திருச்சி நன்றி அறிவிப்புப் பொதுக்கூட்ட மேடையில் "எங்களுக்கு ஓட்டுப் போட்டால் தற்குறியா?" என்று தி.மு.க-வை நோக்கி முதல்வர் விஜய் அடுக்கடுக்கான கேள்விகளை எழுப்பிய செய்தியும், தமிழ்நாட்டில் நிலவும் சட்டம்-ஒழுங்குப் பிரச்சினைகளுக்குத் தி.மு.க ஆட்சிக்கால போதைப்பொருள் கலாச்சாரம்தான் காரணம் என்று அவர் ஆவேசமாகப் பேசினார்.

தவெக அரசு அறிவித்த கூட்டுறவுப் பயிர்க்கடன் தள்ளுபடி குறித்த பல்வேறு அரசியல் கட்சித் தலைவர்களின் விமர்சனங்களுக்கு முதலமைச்சர் விஜய் தற்பொழுது மேடையிலிருந்தே நேரடி விளக்கம் அளித்துள்ளார்.

கூட்டுறவு வங்கிகள் மூலம் ரூ.50,000 வரை பயிர்க்கடன் பெற்ற குறு விவசாயிகளின் கடன்கள் தள்ளுபடி செய்யப்படும் என்று தவெக அரசு அண்மையில் அறிவித்திருந்த சூழலில், அதற்கு எதிர்க்கட்சிகள் தெரிவித்து வரும் கண்டனங்களுக்குப் பதிலளித்துத் திருச்சி புனித ஜோசப் கல்லூரி மைதானத்தில் முதலமைச்சர் விஜய் ஆற்றிய உரையில், தவெக ஆட்சிப் பொறுப்பேற்ற பிறகு, விவசாயிகளின் நலனைக் கருத்தில் கொண்டு முதற்கட்டமாக ரூ.50,000 வரையிலான கூட்டுறவுப் பயிர்க்கடன்களைத் தள்ளுபடி செய்து அரசாணை வெளியிட்டிருந்தது. ஆனால், இந்தத் தள்ளுபடித் தொகை மிகக் குறைவு என்றும், அனைத்து விவசாயிகளின் முழுமையான கடன்களையும் தள்ளுபடி செய்ய வேண்டும் என்றும் பல்வேறு அரசியல் கட்சித் தலைவர்கள் தொடர்ந்து கண்டனம் தெரிவித்து வந்தனர்.

இந்த விமர்சனங்களுக்குப் பதிலளித்த முதலமைச்சர் விஜய், "நாங்கள் ஆட்சி அமைத்து இன்னும் சில மாதங்கள் கூட முழுமையாக நிறைவடையவில்லை. ஆட்சிக்கு வந்த இந்த மிகக் குறுகிய நாட்களுக்குள், மாநிலத்தின் நிதி நிலைமையைக் கணக்கில் கொண்டு, எங்களால் எந்த அளவிற்கு உடனடியாகச் செய்ய முடியுமோ அந்த அளவிற்கு முதற்கட்டமாக இந்த ரூ.50,000 பயிர்க்கடன் தள்ளுபடியை அமல்படுத்தியுள்ளோம்" என்று விளக்கமளித்தார்.

"விவசாயிகள் மீது உண்மையான அக்கறை இல்லாமல், எங்களது நல்ல திட்டங்களுக்குக் கறை பூச வேண்டும் என்ற ஒரே அரசியல் உள்நோக்கத்தோடு சிலர் தொடர்ந்து கண்டனம் தெரிவித்து வருகிறார்கள்" என்றும் அவர் சாடினார். விவசாயிகளின் கோரிக்கைகள் மற்றும் கடன்கள் குறித்து தவெக அரசு தொடர்ந்து அக்கறையுடன் செயல்படும் என்பதை முதல்வர் விஜய் தனது பேச்சில் தெளிவுபடுத்தியுள்ளார்.

"இது வெறும் தொடக்கம் தான். நிதி நிலைமைகளைச் சீரமைத்த பிறகு, இனிவரும் காலங்களில் விவசாயிகளின் மற்ற கோரிக்கைகள் மற்றும் கூடுதல் கடன்கள் குறித்தும், அடுத்தகட்டமாக விவசாயிகளுக்கு என்னென்ன சலுகைகளை வழங்கலாம் என்பது குறித்தும் கூட்டுறவுத்துறை மற்றும் நிதித்துறை அதிகாரிகளுடன் தீவிரமாக ஆலோசித்து நல்ல முடிவுகளை இந்த தவெக அரசு எடுக்கும்" என்று மேடையில் விவசாயிகளுக்கு உறுதியளித்துப் பேசினார்.