ஷாக் நியூஸ்... பழைய போன்களில் இனி வாட்ஸ்அப் வேலை செய்யாது... மெட்டா நிறுவனம் அதிரடி அறிவிப்பு!

உலகம் முழுவதும் கோடிக்கணக்கான மக்களால் பயன்படுத்தப்படும் வாட்ஸ்அப் செயலி, குறிப்பிட்ட சில பழைய மாடல் செல்போன்களில் இனி இயங்காது என்று மெட்டா நிறுவனம் அதிரடியாக அறிவித்துள்ளது. தொழில்நுட்ப வளர்ச்சி மற்றும் பாதுகாப்பை மேம்படுத்தும் நோக்கில் இந்த அதிரடி முடிவு எடுக்கப்பட்டுள்ளது. குறிப்பாக வரும் செப்டம்பர் 8 ஆம் தேதி முதல் ஆண்ட்ராய்டு 6.0 க்கும் குறைவான இயங்குதளங்களில் செயல்படும் ஸ்மார்ட்போன்களில் வாட்ஸ்அப் சேவை முழுமையாக நிறுத்தப்பட உள்ளது. இதனால் பழைய போன்களை வைத்திருக்கும் பயனர்கள் பெரும் அதிர்ச்சியில் ஆழ்ந்துள்ளனர்.

ஆண்ட்ராய்டு 5.0 மற்றும் 5.1 போன்ற பழைய பதிப்புகளில் புதிய பாதுகாப்பு வசதிகளையும் நவீன அம்சங்களையும் வழங்குவது கடினம் என்பதால் இந்த மாற்றம் செய்யப்பட்டுள்ளது. பழைய ஹார்டுவேர் வசதிகள் புதிய அப்டேட்களை தாங்கும் வசதி இல்லாததே இதற்கு முக்கிய காரணமாக சொல்லப்படுகிறது. இது தொடர்பாக சம்பந்தப்பட்ட பயனர்களுக்கு ஏற்கனவே எச்சரிக்கை குறுஞ்செய்திகள் அனுப்பப்பட்டு விட்டதாக மெட்டா நிறுவனம் தெரிவித்துள்ளது. பயனர்கள் தங்களின் முக்கிய தகவல்கள் மற்றும் உரையாடல்களை இழக்காமல் இருக்க முன்கூட்டியே புதிய போன்களுக்கு மாற அறிவுறுத்தப்பட்டுள்ளனர்.

தொழில்நுட்ப உலகில் பாதுகாப்பு என்பது மிக முக்கியமான ஒன்றாக பார்க்கப்படுவதால் இத்தகைய நடவடிக்கைகள் தவிர்க்க முடியாதவை என நிபுணர்கள் கூறுகின்றனர். புதிய வெர்ஷன்களுக்கு மாறாத பட்சத்தில் வாட்ஸ்அப்பில் வரும் இமேஜ்கள் மற்றும் வீடியோக்களை பார்க்க முடியாத நிலை ஏற்படும். மெட்டா நிறுவனம் அவ்வப்போது இத்தகைய மாற்றங்களைச் செய்து வருவதால் பழைய போன் பயனர்கள் விழிப்புடன் இருக்க வேண்டியது அவசியமாகிறது. இந்த அறிவிப்பு காரணமாக தற்போது சந்தையில் புதிய ஸ்மார்ட்போன்களின் விற்பனை அதிகரிக்கும் என எதிர்பார்க்கப்படுகிறது.