இனி வாட்ஸ்அப் மூலம் 80 அரசு சேவைகள்...  தமிழக அரசு சார்பில் புதிய டிஜிட்டல் வசதி அறிமுகம்!

தமிழக அரசின் பல்வேறு சேவைகளை பொதுமக்கள் இனி வாட்ஸ்அப் செயலி மூலமாகப் பெறலாம் என்று செயற்கை நுண்ணறிவு, தகவல் தொழில்நுட்பம் மற்றும் டிஜிட்டல் சேவைகள் துறை தெரிவித்துள்ளது. இதன் மூலம் பல்வேறு துறைகளைச் சார்ந்த பல சேவைகளை மக்கள் எந்தவித அலைச்சலும் இல்லாமல் எளிதாகப் பெற்றுப் பயனடைய முடியும்.

இந்த நவீன வசதியின் வழியாக இருபத்தி இரண்டு துறைகளைச் சேர்ந்த எண்பது சேவைகளை வாட்ஸ்அப் வாயிலாகப் பெற்றுக் கொள்ள முடியும் என்று அறிவிக்கப்பட்டுள்ளது. வருவாய் சான்றிதழ், கல்வி உதவித்தொகை, அரசு சேவை விவரங்கள், பயன்பாட்டுக் கட்டணங்கள் மற்றும் முக்கிய அறிவிப்புகளை இதன் மூலம் பெறலாம்.

பொதுமக்கள் தங்களுக்குத் தேவையான சேவைகளைத் தடையின்றிப் பெற 9499909000 என்ற பிரத்யேக வாட்ஸ்அப் எண்ணைத் தொடர்பு கொள்ளலாம் என்று அழைப்பு விடுக்கப்பட்டுள்ளது. அரசின் இந்த எளிய மற்றும் வேகமான டிஜிட்டல் சேவையால் பொதுமக்கள் அனைவரும் விரைவாகப் பலனடைவார்கள் என எதிர்பார்க்கப்படுகிறது.