ஸ்ரீரங்கம் கோயிலில் ஷூ அணிந்து சென்றது மற்றும் பழநி கோயில் நில விவகாரத்தில் தன் மீது சுமத்தப்பட்ட குற்றச்சாட்டுகளுக்கு இந்து சமய அறநிலையத்துறை அமைச்சர் ரமேஷ் விளக்கமளித்துள்ளார்.

"சீப்பைத் திருடினால் கல்யாணமே நின்றுவிடும் என்ற பாணியில் சிலர் என் மீது தேவையின்றி விமர்சனங்களை முன்வைத்து வருகின்றனர்" என அமைச்சர் குறிப்பிட்டார். ஸ்ரீரங்கம் கோயில் புனரமைப்புப் பணிகள் நடைபெற்று வந்த இடத்தில் கற்களும் கூர்மையான ஆணிகளும் சிதறிக் கிடந்ததால், பாதுகாப்பு காரணங்களுக்காகவே காலணி அணிந்து ஆய்வு செய்ய நேரிட்டதாகத் தெரிவித்தார்.

பழநியில் ரூ.100 கோடி மதிப்புள்ள கோயில் நிலத்தை ரூ.2 கோடிக்குத் தான் வாங்கியதாகத் தன் மீது சுமத்தப்படும் குற்றச்சாட்டு முற்றிலும் உண்மைக்குப் புறம்பானது என்று மறுத்தார். "ரூ.2 கோடி அளவுக்குச் சொத்துக்கள் வாங்கும் வசதி என் குடும்பத்தில் யாருக்குமே இல்லை" என்றும் தன் மீதான புகார்களுக்குப் பதில் அளித்துள்ளார்.