ஜூன் மாத உரிமைத் தொகை வங்கிக் கணக்குகளில் வரவு வைப்பு!!

தமிழகத்தில் குடும்பத் தலைவிகளுக்கு வழங்கப்படும் ஜூன் மாதத்துக்கான உரிமைத் தொகை ரூ.1,000 தற்பொழுது பெண்களின் வங்கிக் கணக்குகளில் வரவு வைக்கப்பட்டுள்ளது. முன்னதாக நடைபெற்ற சட்டசபை தேர்தல் பிரச்சாரத்தின்போது புதிய அரசு பல்வேறு முக்கிய வாக்குறுதிகளை மக்களுக்கு அளித்திருந்தது. அதில் குறிப்பாக பெண்களுக்கு மாதந்தோறும் ரூ.2,500 உரிமைத் தொகையாக வழங்கப்படும் என்ற அறிவிப்பு பெரும் எதிர்பார்ப்பை ஏற்படுத்தியிருந்தது.

புதிய அரசு பொறுப்பேற்றுக் கொண்டதைத் தொடர்ந்து, இந்த ஜூன் மாதத்திலேயே அந்த தொகை உயர்வு தங்களுக்குக் கிடைக்கும் என்று பல லட்சக்கணக்கான பயனாளிகள் மிகவும் ஆவலோடு நம்பி இருந்தனர். ஆனால், இந்த மாதம் வழக்கம்போல ரூ.1,000 மட்டுமே பெண்களின் கணக்குகளுக்கு வந்து சேர்ந்துள்ளது. மகளிருக்கு மாதம் ரூ.2,500 வழங்கும் இந்த புதிய திட்டம் குறித்து தற்போதைய அரசு இதுவரை எந்தவொரு அதிகாரப்பூர்வ அறிவிப்பையும் வெளியிடவில்லை.

தேர்தல் நேரத்தில் கொடுத்த முக்கிய வாக்குறுதியான மாதம் ரூ.2,500 வழங்கும் திட்டத்தை புதிய அரசு இன்னும் முழுமையாக நிறைவேற்றாதது பெண்கள் மத்தியில் பெரும் அதிருப்தியை ஏற்படுத்தியுள்ளது. இதனால் எதிர்பார்த்த கூடுதல் தொகை கிடைக்காமல் ஏமாற்றம் அடைந்த பயனாளிகள் தங்களின் அதிருப்தியை வெளிப்படுத்தி வருகின்றனர். அரசு விரைவில் தங்களின் வாழ்வாதாரத்தை உயர்த்தும் இந்த வாக்குறுதியை முழுமையாக நிறைவேற்ற வேண்டும் என்பதே ஏழை எளிய பெண்களின் எதிர்பார்ப்பாக உள்ளது.