இரவு சென்னை உட்பட பல மாவட்டங்களில் இடி, மின்னலுடன் கூடிய மழைக்கு வாய்ப்பு!

தமிழகத்தில் கடுமையான வெயிலுக்கு மத்தியிலும் பரவலாக மழை பெய்து வரும் நிலையில் இன்று இரவு  இடி மின்னலுடன் கூடிய மழைக்கு வாய்ப்புள்ளதாகச் சென்னை வானிலை மையம் தெரிவித்துள்ளது. சென்னை திருவள்ளூர் காஞ்சிபுரம் செங்கல்பட்டு திருவண்ணாமலை ஆகிய மாவட்டங்களில் மழை பெய்யக்கூடும் என எச்சரிக்கப்பட்டுள்ளது. மேலும் வேலூர் ராணிப்பேட்டை விழுப்புரம் கிருஷ்ணகிரி மற்றும் தர்மபுரி ஆகிய மாவட்டங்களிலும் இடி மின்னலுடன் கூடிய மழை பெய்ய வாய்ப்புள்ளது. வளிமண்டல மேலடுக்கு சுழற்சி மற்றும் வெப்பச் சலனம் காரணமாக மேற்கண்ட மாவட்டங்களில் சில இடங்களில் திடீர் மழை பெய்து வருகிறது.

மழை பெய்யும் நேரங்களில் பொதுமக்கள் அவசியமின்றி வெளியில் செல்வதைத் தவிர்க்குமாறும் பாதுகாப்பான இடங்களில் இருக்குமாறும் அறிவுறுத்தப்படுகிறார்கள். கடந்த சில நாட்களாக நிலவி வந்த கடுமையான வெயிலின் தாக்கம் இந்த மழையின் காரணமாகக் சற்று தணிந்து குளிர்ச்சியான சூழல் ஏற்பட்டுள்ளது. வானிலை மையத்தின் இந்த எச்சரிக்கையை அடுத்து அந்தந்த மாவட்ட நிர்வாகங்களும் தேவையான முன்னெச்சரிக்கை நடவடிக்கைகளை மேற்கொண்டு வருகின்றன. தொடர்ந்து மாறிவரும் வானிலை நிலவரம் குறித்த அடுத்தடுத்த அறிவிப்புகள் உடனுக்குடன் வெளியிடப்பட்டு வருகின்றன.