ஒமைக்ரான்எதிரொலி!! மீண்டும் ஊரடங்கு..?

நாட்டிலேயே முதல்முறையாக பெங்களூருவில் தான் ஒமைக்ரான் வகை புதிய கொரோனா கண்டறியப்பட்டது. அதை தொடர்ந்து பாதிக்கப்பட்டவருடன் தொடரில் இருந்த 5 பேருக்கு தொற்று உறுதி செய்யப்பட்டுள்ளது.

இதையடுத்து பெங்களூருவில் பதற்றமான சூழல் ஏற்பட்டுள்ளது. புதியதாக பாதிபுக்குள்ளான 5 பேரின் மாதிரிகள் சேகரிகப்பட்டு மரபணு வரிசை பகுப்பாய்வுக்கு அனுப்பி வைக்கப்பட்டுள்ளது.

அதை தொடர்ந்து தான் அவர்களுக்கு ஏற்பட்டுள்ள கொரோனா பாதிப்பு என்ன வேரியண்ட் என்பது உறுதி செய்யப்படும். இதற்கிடையில் பெங்களூருவில் கொரோனா பாதிப்பு திடீரென உயர்வை கண்டுள்ளது.

தினசரி பாதிப்பு 160-க்குள் பதிவாகி வந்த நிலையில், கடந்த சில நாட்களாக பாதிப்பு எண்ணிக்கை 200-ஐ கடந்துள்ளது. இதனால் கர்நாடக மாநில சுகாதாரத்துறை அதிகாரிகள் அதிர்ச்சி அடைந்துள்ளனர்.

இதையொட்டு பெங்களூரு மாநகரில் இரவு நேர ஊரடங்கை அமல்படுத்தலாமா என்று மாநகராட்சி ஆலோசித்து வருகிறது. இதுதொடர்பாக விரைவில் அரசுக்கு பரிந்துரை வழங்கவும் அவர்கள் முடிவு செய்துள்ளதாக கூறப்படுகிறது.

எதுவாக இருந்தாலும் குறிப்பிட்ட 5 பேருக்கு எடுக்கப்பட்டுள்ள சோதனை முடிவுகள் வெளியான பிறகு தான் உண்மை நிலை தெரிய வரும் என்று கூறப்படுகிறது. விரைவில் சோதனை முடிவுகள் குறித்த அறிவிப்பு வெளியாகவுள்ளது.