வாயுக்கசிவு ஏற்பட்ட தனியார் பள்ளிக்கு 3 நாட்கள் விடுமுறை!

 தமிழகத்தின் தலைநகர் சென்னை திருவொற்றியூர் பகுதியில் செயல்பட்டு வருகிறது   விக்டரி மெட்ரிகுலேஷன் மேல்நிலைப் பள்ளி. இந்தப் பள்ளியில் கடந்த 2 வாரங்களுக்கு முன்னர் திடீரென வாயுக்கசிவு ஏற்பட்டது. இதனால் மாணவர்களுக்கு கண் எரிச்சல், மூச்சுவிட சிரமம், வாந்தி, மயக்கம் போன்ற உடல்நலக் குறைபாடுகள் ஏற்பட்டன. இந்த திடீர் வாயுக்கசிவால் 40க்கும் மேற்பட்ட மாணவர்கள் பாதிக்கப்பட்டதை அடுத்து அந்த பள்ளிக்கு விடுமுறை அளிக்கப்பட்டது.

தீபாவளி, தொடர் விடுமுறை என 10 நாட்களுக்கு பின் நேற்று பள்ளி திறக்கப்பட்ட நிலையில் மீண்டும் 8 மாணவர்களுக்கு வாந்தி உள்ளிட்ட உடல்நலக்குறைவு ஏற்பட்டது. இந்நிலையில்,  பெற்றோர்கள் பள்ளி முன்பாக கூடி வாக்குவாதத்தில் ஈடுபட்டனர். இதனால் அப்பகுதியில் பெரும்  பரபரப்பு ஏற்பட்டது. மறு அறிவிப்பு வரும் வரை பள்ளி மூடப்படும் என அறிவிக்கப்பட்டது.  

இந்நிலையில், திருவொற்றியூர் விக்டரி பள்ளியில் வாயுக்கசிவு தொடர்பாக மாசு கட்டுபாட்டு வாரியம் ஆய்வு நடத்தி வருகிறது.  நவீன சாதனங்களைக் கொண்டு காற்றின் தரம் குறித்து பரிசோதனையில் ஈடுபட உள்ளனர். வாயுக்கசிவு ஏற்பட்டு மாணவிகள் மயங்கி விழுந்ததால் பள்ளி மூடப்பட்டுள்ளது. மாசு கட்டுப்பாட்டு வாரிய அதிகாரிகள், கல்வித்துறை அதிகாரிகள் ஆய்வு செய்ய இருப்பதாக தகவல்கள் வெளியாகியுள்ளது.  

ஐப்பசி மாசத்துல இந்த 6 ராசிக்காரர்களுக்கும் அதிர்ஷ்ட மழை...

 ஐப்பசியில இந்த 6 ராசிக்காரங்க யாருக்கும் ஜாமீன் கையெழுத்து போடாதீங்க

இந்த 8 நட்சத்திரக்காரர்களுக்கு அதிர்ஷ்ட மழை... வாய்ப்பை பயன்படுத்திக்கோங்க!