சென்னையில் பயங்கரம்... மின்சாரம் பாய்ந்து ஒரே நாளில் 3 பேர் பலி!

 சென்னையில் பெஞ்சல் புயல் காரணமாக பல பகுதிகளில் தொடர்  கனமழை பெய்து வருகிறது. இதனால் பல குடியிருப்பு பகுதிகளில்   மழை நீர் தேங்கி வருகிறது. பெஞ்சால் புயலால் பாதிக்கப்பட்ட பகுதிகளில் நிவாரண பணிகளை தமிழக அரசு தீவிரப்படுத்தி உள்ளது. இந்நிலையில், சென்னை வேளச்சேரியில் விஜயநகர் 2வது தெருவில் புயல் மற்றும் மழை எதிரொலியாக, மின் கம்பி அறுந்து விழுந்தது. இதில் அந்த வழியே நடந்து சென்ற 45 வயது சக்திவேல்  மீது அந்த கம்பி விழுந்துள்ளது.

இதில், அவர் உயிரிழந்து உள்ளார். இது குறித்து அறிந்ததும் உடனிருந்தவர்கள் உடனடியாக அவருடைய உடலை மீட்டு ராயப்பேட்டை அரசு மருத்துவமனைக்கு அனுப்பி வைத்தனர். பிராட்வே பகுதியில் வடமாநில வாலிபர் ஒருவர் இன்று காலையில், ஏ.டி.எம். மையத்துக்கு சென்றபோது, மின்சாரம் பாய்ந்து உயிரிழந்த நிலையில், வேளச்சேரியில் மற்றொரு நபர் மின்சாரம் பாய்ந்து உயிரிழந்தார்.  இந்நிலையில், சென்னை வியாசர்பாடி கணேசபுரம் பகுதியில் இசைவாணன் என்பவர் மின்சாரம் தாக்கி உயிரிழந்து உள்ளார்.

சுரங்கப்பாதையில் தேங்கிய தண்ணீரை வெளியேற்றும் பணியில் ஈடுபட்டிருந்தபோது மின்சாரம் பாய்ந்ததில்  உயிரிழந்ததாக தெரிவிக்கப்பட்டுள்ளது.  கொளத்தூரில் வசித்து வரும்  50 எச்.பி. மோட்டாரை இயக்கியபோது இந்த விபத்து ஏற்பட்டு உள்ளது. அவருடைய உடல் ராஜீவ் காந்தி அரசு மருத்துவமனையில் பிரேத பரிசோதனைக்காக அனுப்பி வைக்கப்பட்டுள்ளது.   சென்னையில் மின்சாரம் பாய்ந்து இன்று ஒரே நாளில் 3 பேர் பலியாகி இருப்பது பொதுமக்களிடையே பெரும் அதிர்ச்சியையும், அச்சத்தையும் ஏற்படுத்தியுள்ளது.  

கார்த்திகை ஸ்பெஷல்... சங்காபிஷேகம் விரதமுறை, பலன்கள்!

ஐயப்ப பக்தர்கள் தினசரி சொல்ல வேண்டிய ஸ்லோகம் இது தான்!

ஐயப்பன் பக்தர்கள் தெரிஞ்சிக்கோங்க ... சபரிமலை சுவாரஸ்யங்கள்!

கார்த்திகை மாத சிறப்புகள், பண்டிகைகள் , வழிபாடுகள்... முழு தகவல்கள்!