சட்டசபை தேர்தல் எபெக்ட்.. வாகன சோதனையில் ரூ.5.5 கோடி பணம் பறிமுதல்!

மகராஷ்டிரா சட்டசபை தேர்தல் வரும் 20ம் தேதி ஒரே கட்டமாக நடக்கிறது. இந்த தேர்தலில் பதிவான வாக்குகள் வரும் 23ம் தேதி எண்ணப்பட்டு முடிவுகள் அறிவிக்கப்படும். இந்த தேர்தலில் பாஜக, சிவசேனா, தேசியவாத காங்கிரஸ் கட்சிகள் கூட்டணியாகவும், காங்கிரஸ், உத்தவ் சிவசேனா, தேசியவாத காங்கிரஸ் (எஸ்பி) அணியாகவும் போட்டியிடுகின்றன. அங்கு கடும் போட்டி நிலவுவதால் பல்வேறு கட்சிகளும் தீவிர பிரசாரத்தில் ஈடுபட்டு வருகின்றனர்.

தேர்தலுக்கு இன்னும் சில நாட்களே உள்ள நிலையில், அமலாக்கத்துறையினர் உஷார்படுத்தப்பட்டுள்ளனர். கணக்கில் காட்டப்படாத பணம், மதுபானம் மற்றும் பிற தூண்டுதல்களின் நடமாட்டத்தை கட்டுப்படுத்த நிலையான கண்காணிப்பு குழுக்கள், பறக்கும் படைகள் மற்றும் பிற கண்காணிப்பு பிரிவுகள் வாகன சோதனைகளை தீவிரப்படுத்தியுள்ளன.

இந்நிலையில், மகாராஷ்டிரா மாநிலம் தானே மாவட்டத்தில் உள்ள கல்யாண் ரூரல் சட்டமன்ற தொகுதியில் இன்று தேர்தல் அதிகாரிகள் வாகன சோதனையில் ஈடுபட்டிருந்தனர். இந்த சோதனையில் வாகனத்தில் இருந்து ரூ.5.55 கோடி ரொக்கம் பறிமுதல் செய்யப்பட்டதாக தேர்தல் அதிகாரி விஸ்வாஸ் குஜ்ஜர் தெரிவித்தார். மேலும், அனுமதிக்கப்பட்ட தொகை ரூ.10 லட்சத்தை தாண்டியதால், மேலதிக விசாரணைக்காக வருமான வரித்துறைக்கு அனுப்பப்பட்டுள்ளதாகவும் அவர் தெரிவித்தார்.

கார்த்திகை ஸ்பெஷல்... சங்காபிஷேகம் விரதமுறை, பலன்கள்!

ஐயப்ப பக்தர்கள் தினசரி சொல்ல வேண்டிய ஸ்லோகம் இது தான்..!

ஐயப்பன் பக்தர்கள் தெரிஞ்சிக்கோங்க ... சபரிமலை சுவாரஸ்யங்கள்!

கார்த்திகை மாத சிறப்புகள், பண்டிகைகள் , வழிபாடுகள்... முழு தகவல்கள்!