பாஜக நிர்வாகி கொலை வழக்கு.. திமுக ஊராட்சி மன்றத் தலைவர் மீது பாய்ந்தது குண்டாஸ்!

பாஜகவின் ஆன்மீகப் பிரிவின் வேலூர் மாவட்டச் செயலாளராக இருந்து வந்த விட்டல் குமார், டிசம்பர் 16 ஆம் தேதி மாலை குடியாத்தம்-காட்பாடி சாலையில் உள்ள சென்னங்குப்பம் தகனக்கூடம் அருகே ரத்தக் கசிவுடன் காணப்பட்டார். ஆம்புலன்ஸ் மூலம் மீட்கப்பட்ட விட்டல் குமார் மருத்துவமனையில் அனுமதிக்கப்பட்டார், ஆனால் சிகிச்சை பலனின்றி அன்று இரவு 9 மணியளவில் இறந்தார்.

விட்டல் குமாருக்கும், திமுகவின் நாகல்  ஊராட்சி மன்ற தலைவர் பாலா சேத்துக்கும் இடையே முன் விரோதம் இருந்ததாக விசாரணையில் தெரியவந்தது. கிராம நிர்வாகத்தில் நடக்கும் முறைகேடுகள் மற்றும் பஞ்சாயத்துக்குள் நிலவும் பிரச்சினைகள் குறித்து விட்டல் குமார் மாவட்ட நிர்வாகத்திடம் அடிக்கடி புகார் அளித்து வந்ததால், பாலா சேத்  ஆதரவாளர்கள் விட்டல் குமாரை கொலை செய்வதாக தொடர்ந்து மிரட்டி வந்ததாகக் கூறப்படுகிறது.

இந்த சூழ்நிலையில்தான் கொலை செய்யத் திட்டமிட்டிருந்த பாஜக நிர்வாகி விட்டல் குமாரை இரும்புக் கம்பியால் தாக்கி ஆற்றில் வீசியது விசாரணையில் தெரியவந்தது. இந்தக் கொலை வழக்கு தொடர்பாக, கொலையை திட்டமிட்ட நாகல் கிராமத்தைச் சேர்ந்த பாலா என்கிற பாலா சேத் (54), அவரது மகன் தரணி குமார் (28), சந்தோஷ் குமார் (26), கமலதாசன் (24) ஆகிய நான்கு பேரை  சிறப்பு போலீசார் கைது செய்து சிறையில் அடைத்தனர்.

திமுக பஞ்சாயத்து தலைவர் பாலா சேத் மீது ஏற்கனவே கொலை முயற்சி உள்ளிட்ட சில வழக்குகள் மற்றும் புகார்கள் நிலுவையில் உள்ளன. அவர் தொடர் குற்றச் செயல்களில் ஈடுபட்டது தெரியவந்ததை அடுத்து, பாலா சேத் உள்ளிட்ட பாஜக நிர்வாகியின் கொலை வழக்கில் கைது செய்யப்பட்ட நான்கு பேரின் சிறைத் தண்டனையை ‘குண்டர்’ தடுப்புக் காவல் சட்டத்தின் கீழ் மேலும் ஒரு வருடம் நீட்டிக்க மாவட்ட ஆட்சியர் சுப்புலட்சுமிக்கு எஸ்பி மதிவாணன் பரிந்துரைத்தார்.

இதைத் தொடர்ந்து, குண்டர் சட்டத்தின் கீழ் குற்றம் சாட்டப்பட்ட நான்கு பேரையும் காவலில் எடுத்து விசாரிக்க மாவட்ட ஆட்சியர் நேற்று (ஜனவரி 8) உத்தரவு பிறப்பித்தார். ``இதுபோன்ற தொடர் குற்றச் செயல்களில் ஈடுபடுபவர்கள் மீது கடுமையான நடவடிக்கை எடுக்கப்படும்'' என்றும் எஸ்பி மதிவாணன் எச்சரித்தார்.

2025 புத்தாண்டு இந்த 6 நட்சத்திரத்தில் பிறந்தவங்களுக்கு தான் அதிர்ஷ்ட மழை!

மார்கழி மாத விரத முறைகள், வழிபாடு, பலன்கள்!

ஐயப்பன் பக்தர்கள் தெரிஞ்சிக்கோங்க ... சபரிமலை சுவாரஸ்யங்கள்!

விட்டேனா பார்!! ராஜநாகத்துடன் ஆக்ரோஷமாக சண்டையிடும் கோழி!!