ஷூட்டிங் அழைத்துச் சென்று சம்பளத்தை பிடுங்கும் புரோக்கர்கள்.. நூதன மோசடி அம்பலம்!
மதுரைக்கு வேலை தேடி வரும் பலர், மதுரை ரயில் நிலையம் எதிரே உள்ள பகுதியை தங்குமிடமாக பயன்படுத்துகின்றனர். பகலில் கிடைக்கும் வேலைக்கும், இரவில் ரயில்வே ஸ்டேஷன் முன்பகுதிக்கு வந்து தூங்குவார்கள். இந்நிலையில், மதுரை ரயில்வே ஸ்டேஷன் பகுதியில் வசிக்கும் கூலித் தொழிலாளர்களை சினிமாவில் துணை நடிகர்களாக நடிக்க தரகர்கள் அழைத்துச் செல்கின்றனர்.
அதன்படி கடந்த 20 நாட்களுக்கு முன்பு மதுரை மேலூர் பகுதியை சேர்ந்த 2 பேர் மதுரை ரெயில் நிலையம் முன்புறம், சாலையோரம் தங்கியிருந்த பெண்கள் உள்பட 50-க்கும் மேற்பட்டோரை ராமேசுவரம் மண்டபம் பகுதியில் தமிழ் சினிமா படப்பிடிப்புக்கு அழைத்துச் சென்றனர். படப்பிடிப்பு முடிந்து நேற்று மதுரைக்கு அழைத்து வரப்பட்டனர். அவர்கள் அனைவரையும் மதுரை ரயில் நிலையத்தில் இறக்கிவிட்டு கையில் ரூ.300 மட்டும் வைத்துவிட்டு தப்பிச் சென்றனர். தங்களை அழைத்துச் சென்றவர்கள் தலா ரூ.5 ஆயிரம் தருவதாக கூறி ஏமாற்றி விட்டதாக பாதிக்கப்பட்டவர்கள் வேதனை தெரிவித்தனர்.
மேலும், 'கடந்த 20 நாட்களுக்கு முன் மதுரையில் இருந்து ராமேஸ்வரத்திற்கு புரோக்கர்கள் எங்களை அழைத்து சென்றனர். அவர்களை அங்கேயே வைத்து இரவில் மட்டும் உணவு கொடுத்து நடிக்க வைத்தார்கள். பகலில் எல்லா இடங்களிலும் கிடைக்கும் உணவை வாங்கிச் சாப்பிட்டு அவர்கள் சொன்னபடி தொடர்ந்து நடந்துகொண்டோம். படப்பிடிப்பு முடிந்து மதுரை ரயில் நிலையத்தில் இறங்கி எங்களிடம் கூறியபடி சம்பளம் தராமல் தப்பிச் சென்றனர்.
இரு தரகர்கள் மீதும் காவல் நிலையத்தில் புகார் அளித்துள்ளோம். சம்பந்தப்பட்ட பட இயக்குனரிடம் கேட்டபோது, எங்களின் சம்பளத்தை 2 ஏஜென்டுகளுக்கு கொடுத்துள்ளதாக கூறினார். இரவில் உறங்காமல் பசி, பட்டினி என்று நடித்தோம். நாங்கள் கஷ்டப்பட்டு சம்பாதித்த பணத்தை பறித்து ஏமாற்றினர். இது ஏற்கனவே ஒருமுறை நடந்துள்ளது. சம்பந்தப்பட்ட புரோக்கர்கள் மீது நடவடிக்கை எடுக்க வேண்டும் என்றனர். இந்த மோசடி குறித்து திலகர் திடல் போலீசார் விசாரணை நடத்தி வருகின்றனர்.
இதையும் பிடிச்சிருந்தா படிச்சு பாருங்க
வாழ்வில் செல்வமும், அதிர்ஷ்டமும் கிடைக்க இதை மறக்காதீங்க!
பகீர்! கல்லூரி மாணவியைக் கடத்தி பாலியல் வன்கொடுமை!
பாதாள அறையில் சாய்பாபா! ஷீரடி போகும் போது இதை மிஸ் பண்ணாதீங்க!