கிறிஸ்துமஸ், புத்தாண்டு தொடர் விடுமுறை...பல மடங்கு எகிறியது விமான கட்டணங்கள்!

By Jay Ganesh Dec 24, 2024, 07:22 IST

நாளை கிறிஸ்துமஸ் கொண்டாடப்பட உள்ள நிலையில், கிறிஸ்துமஸ், புத்தாண்டு, அரையாண்டு என்று தமிழகத்தில் தொடா் விடுமுறை தினங்களில் கொண்டாட்டங்களுக்காக பொதுமக்கள் பலரும் சுற்றுலா தலங்களில் குவிந்து வரும் நிலையில் விமான கட்டணங்கள் பல மடங்கு உயா்ந்துள்ளது அதிர்ச்சியை ஏற்படுத்தியுள்ளது. வழக்கமான டிக்கெட் கட்டணங்களை விட பல இடங்களில் நான்கைந்து மடங்கு விமான கட்டணங்கள் உயர்ந்துள்ளதாக பயணிகள் அதிர்ச்சியைத் தெரிவித்தனர்.

கிறிஸ்துமஸ், ஆங்கில புத்தாண்டு தொடா் விடுமுறையால் சுற்றுலா தலங்களிலும், துபாய், சிங்கப்பூர், மலேசியா போன்ற வெளிநாடுகளிலும் மக்கள் கூட்டம் அதிகரிக்கத் தொடங்கியுள்ளது.

இண்டிகோ விமானம்

அதே போன்று உள்நாட்டிலும் தூத்துக்குடி, மதுரை, திருச்சி, கொச்சி, மைசூரு, கேரளா, கோவா, அந்தமான் ஆகிய பகுதிகளுக்கு இயக்கப்படும் உள்ளூா் விமானங்கள் மற்றும் சிங்கப்பூா், கோலாலம்பூா், தாய்லாந்து, துபாய் ஆகிய நாடுகளுக்கு இயக்கப்படும் சா்வதேச விமானங்களிலும் இந்த விடுமுறை நாட்களில் டிக்கெட் கட்டணங்கள் பல மடங்கு உயா்ந்துள்ளது.

விடுமுறை நாட்களில் விமானக் கட்டணம் பல மடங்கு உயா்ந்துள்ளதால் முன்பதிவு செய்ய இருந்த பயணிகள் அதிா்ச்சி அடைந்துள்ளனா். உள்நாட்டு விமான கட்டணங்கள் (அடைப்புக் குறிக்குள் கொடுத்திருப்பது வழக்கமான கட்டணம்):

சென்னை - தூத்துக்குடி ரூ. 14,281 (ரூ. 4,796).

சென்னை -மதுரை ரூ. 17,695 (ரூ.4,300).

சென்னை - திருச்சி ரூ. 14,387 (ரூ.2,382)

சென்னை - மைசூரு ரூ. 9,872 (ரூ.3,432)

சென்னை - கோவை ரூ. 9,418 (ரூ.3,485)

விமானம்