இடிந்து விழுந்த அங்கன்வாடி மேற்கூரை .. குழந்தைகள் யாரும் இல்லாததால் பெரும் விபத்து தவிர்ப்பு!

கேரள மாநிலம் கொச்சியை அடுத்த திருப்புணித்துறை அருகே கந்தநாடு என்ற கிராமத்தில் அங்கன்வாடி ஒன்று இயங்கி வருகிறது. இந்த அங்கன்வாடியில் 5 குழந்தைகள் படிக்கின்றனர். இவர்கள் தினமும் காலை 10 மணிக்கு அங்கன்வாடிக்கு வருவது வழக்கம். இந்நிலையில் இன்று காலை 9.30 மணியளவில் அங்கன்வாடியில் பணிபுரியும் பணிப்பெண் ஒருவர் அறைகளை சுத்தம் செய்து கொண்டிருந்தார்.

திடீரென்று, முகப்பில் முறிவு சத்தம் கேட்டது, அதனால்  பணிப்பெண், விரைவாக அந்த இடத்தை விட்டு வெளியேறினார். அடுத்த நிமிடமே பலத்த சத்தத்துடன் அங்கன்வாடியின் மேற்கூரை இடிந்து விழுந்தது.அப்போது அங்கன்வாடியில் குழந்தைகள் இல்லாததால் அதிர்ஷ்டவசமாக பெரும் விபத்து தவிர்க்கப்பட்டது. அதேபோல், அந்த பெண் வெளியில் வர தாமதமானாலும், மேற்கூரை அவள் மீது விழுந்து விபத்தை ஏற்படுத்தியிருக்கலாம்.

அங்கன்வாடியில் நாளை கிறிஸ்துமஸ் விழா நடைபெற இருந்த நிலையில் இன்று நடந்த சம்பவம் அப்பகுதியில் பரபரப்பை ஏற்படுத்தியுள்ளது. இதுபற்றி பணிப்பெண் கூறும்போது, ​​“குழந்தைகள் வந்த பிறகு விபத்து நடந்திருந்தால் இந்த சம்பவம் என் மனதில் ஆறாத வடுவாக இருந்திருக்கும்” என்றார். முன்னதாக அங்கன்வாடி சேதம் குறித்து பஞ்சாயத்துக்கு தகவல் தெரிவிக்கப்பட்டது. ஆனால், எந்த நடவடிக்கையும் எடுக்கப்படவில்லை. அதேநேரம், அங்கு படிக்கும் சில குழந்தைகள் அருகில் உள்ள வேறு கட்டிடத்திற்கு மாற்றப்பட்ட நிலையில், அங்கன்வாடி மட்டும் இங்கு இயங்கி வருவதாக பள்ளி அதிகாரிகள் கூறியுள்ளனர்.

மார்கழி மாத விரத முறைகள், வழிபாடு, பலன்கள்!

ஐயப்ப பக்தர்கள் தினசரி சொல்ல வேண்டிய ஸ்லோகம் இது தான்!

ஐயப்பன் பக்தர்கள் தெரிஞ்சிக்கோங்க ... சபரிமலை சுவாரஸ்யங்கள்!

விட்டேனா பார்!! ராஜநாகத்துடன் ஆக்ரோஷமாக சண்டையிடும் கோழி!!