மேடையிலேயே கதறியழுத டெல்லி முதல்வர் அதிஷி... தொண்டர்கள் அதிர்ச்சி!

நேற்று டெல்லியில், மேடையிலேயே முதல் அதிஷி அழுதது ஆம் ஆத்மி தொண்டர்களை அதிர்ச்சியடைய செய்தது. இந்நிலையில் முதல் அதிஷி அழும் வீடியோ சமூக வலைத்தளங்களில் வைரலாகி வருகிறது.

டெல்லியில் அடுத்த மாதம் சட்டப்பேரவைத் தேர்தல் நடைபெற உள்ள நிலையில், ஆட்சியைத் தக்க வைக்க  ஆம் ஆத்மி கட்சி கடும் முயற்சிகளை மேற்கொண்டு வருகிறது.  அரசியல் கூட்டணியை சமீபத்தில்  முறித்துக் கொண்டுள்ள காங்கிரஸ், எதிர்க்கட்சியான பாஜக ஆகிய கட்சிகள் தேர்தலுக்கு ஆயத்தமாகியுள்ளன.

இந்நிலையில், அரவிந்த் கெஜ்ரிவால், முதல்வர் அதிஷிக்கு எதிராக போட்டியிடும் வேட்பாளர்களை ஜனவரி 4ல் பாஜக அறிவித்திருந்தது. புதுடெல்லி தொகுதியில் கெஜ்ரிவாலுக்கு எதிராக முன்னாள் எம்பி பர்வேஷ் வர்மாவும், முதல்வர் அதிஷி களமிறங்கிய கல்காஜியில் பாஜக சார்பில் முன்னாள் எம்பியான ரமேஷ் பிதுரியை வேட்பாளர்களாக நிறுத்தியுள்ளது.

இந்நிலையில், செய்தியாளர் சந்திப்பில் முதல்வர் அதிஷியின் குடும்பத்தைத் தாக்கி ரமேஷ் பிதூரி பேசியுள்ளார். இதற்கு அதிஷி கடும் கண்டனம் தெரிவித்துள்ளார். தனது தந்தை குறித்து பாஜக வேட்பாளர் ரமேஷ் பிதூரி அவதூறாகக் கூறியதாக அதிஷி கண்ணீர் மல்க செய்தியாளர்கள் சந்திப்பில் குற்றம் சாட்டினார்.

அதிஷி தனது துணை பெயரை மாற்றியதைத் தொடர்புப்படுத்தி ரமேஷ் பிதூரி விமரிசனம் செய்திருந்தார்.  இதற்கு ஆம் ஆத்மி தலைவர் அரவிந்த் கெஜ்ரிவால் உட்பட ஆம் ஆத்மியினர் கடும் கண்டனம் தெரிவித்துள்ளனர். அரசியல் இந்தளவுக்கு தரம் தாழ்ந்து போகும் என நினைக்கவில்லை என அதிஷி செய்தியாளர்கள் சந்திப்பில் கண்ணீர் மல்க கதறி அழுதுள்ளார். இச்சம்பவம் இந்தியா முழுவதும் பெரும் அதிர்வலைகளையும், நெகிழ்ச்சியையும் ஏற்படுத்தியுள்ளது.  

2025 புத்தாண்டு இந்த 6 நட்சத்திரத்தில் பிறந்தவங்களுக்கு தான் அதிர்ஷ்ட மழை!

மார்கழி மாத விரத முறைகள், வழிபாடு, பலன்கள்!

ஐயப்பன் பக்தர்கள் தெரிஞ்சிக்கோங்க ... சபரிமலை சுவாரஸ்யங்கள்!

விட்டேனா பார்!! ராஜநாகத்துடன் ஆக்ரோஷமாக சண்டையிடும் கோழி!!