11 குழந்தைகள் பலியான இருமல் மருந்தை பரிந்துரை செய்த மருத்துவர் பிரவீன் சோனி கைது!

மத்திய பிரதேசத்தில்  இந்தோர் மாவட்டத்தில், ‘கோல்ட்ரிஃப்’ என்ற இருமல் மருந்தால் 11 குழந்தைகள் உயிரிழந்தனர். அந்த  சம்பவத்தில், அந்த மருந்தை பரிந்துரைத்த மருத்துவர் பிரவீன் சோனி அதிரடியாக கைது செய்யப்பட்டுள்ளார். இந்த சம்பவம் நாடு முழுவதும்  பெரும் அதிர்வலைகளையும், பரபரப்பையும் கிளப்பியுள்ளது. இந்தோர் அரசு மருத்துவமனையில் சிகிச்சை பெற்ற குழந்தைகள், மருந்தின் பக்க விளைவால் உயிரிழந்தனர்.

போலீஸ், மருத்துவரின் பரிந்துரை மற்றும் மருந்தின் தரம் குறித்து விசாரணை நடத்தப்பட்டு வருகிறது.மருத்துவர் பிரவீன் சோனி, இந்தோர் அரசு மருத்துவமனையில் பணிபுரிந்து வருகிறார்.  அவர், இருமல் மற்றும் சளி பிரச்சனையுடன் வரும் குழந்தைகளுக்கு இந்த மருந்தை பரிந்துரைத்ததாக தெரிகிறது. போலீஸ் விசாரணையில், இந்த மருந்தின் உற்பத்தியாளர் நிறுவனம் மீதும் வழக்கு பதிவு செய்யப்பட்டுள்ளது. இது குறித்து போலீசாரிடம் மருத்துவர் பிரவீன் சோனி, “இந்த ‘கோல்ட்ரிஃப்’ மருந்தை 10 ஆண்டுகளாக குழந்தைகளுக்கு பரிந்துரைத்து வருகிறேன். இதுவரை எந்த பக்க விளைவோ பிரச்சனைகளோ ஏற்பட்டதில்லை.  பொதுவான இருமல் மருந்தாகவே பயன்படுத்தினேன்,” என பரபரப்பு வாக்குமூலம் தெரிவித்துள்ளார்.  

போலீஸ், அவரது வாக்குமூலத்தை சரிபார்த்து, மருந்தின் உற்பத்தி, விநியோகம், பரிந்துரை இவைகள் ஆய்வு செய்யப்பட்டு வருகின்றன.   இச்சம்பவம், குழந்தைகளுக்கான மருந்து பரிந்துரைகளின் பாதுகாப்பை கேள்விக்குறியாக்கியுள்ளது. மத்தியப் பிரதேச அரசு, உயிரிழந்த குடும்பங்களுக்கு 5 லட்சம் ரூபாய் நிவாரணம் அறிவித்துள்ளது.  

இதையும் பிடிச்சிருந்தா படிச்சு பாருங்க

புரட்டாசி மாதத்தில் இத்தனை சிறப்புகளா? என்னென்ன வழிபாடுகள், பலன்கள் தெரியுமா?

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

பளபளக்கும் மிருதுவான சருமத்திற்கு இதை மட்டும் செய்தாலே போதும்!!

உங்க நட்சத்திரத்துக்கு லாபம் தரும் துறை எது?