தந்தை, தாய், மகன் படுகொலை விவகாரம்.. கொள்ளைப்போன 8சவரன் தங்க நகை.. விசாரணையில் அதிர்ச்சி!

திருப்பூர் மாவட்டம், பல்லடம், பொங்கலூர் அருகேயுள்ள சேமலைகவுண்டம்பாளையம் பகுதியைச் சேர்ந்தவர் தெய்வசிகாமணி. இவர் தனது மனைவி அலமேலு என்கிற அலமாத்தாளுடன் தனது தோட்டத்து வீட்டில் தனியாக வசித்து விவசாயம் செய்து வருகிறார். இவர்களது மகன் செந்தில்குமார் கோவையில் உள்ள ஐடி நிறுவனத்தில் பணிபுரிந்து மனைவி மற்றும் குழந்தைகளுடன் கோவையில் வசித்து வருகிறார்.

இந்நிலையில் செந்தில்குமார் நேற்று உறவினர் வீட்டு நிகழ்ச்சிக்காக பெற்றோர் வீட்டிற்கு வந்துள்ளார். இதையடுத்து, அவர்கள் 3 பேரும் இரவில் தூங்கிக் கொண்டிருந்தனர். தோட்டம் பகுதியில் சத்தம் கேட்டு தெய்வசிகாமணி (76) என்பவர் முதலில் எழுந்து வெளியே சென்றார். அப்போது, ​​அங்கு மறைந்திருந்த மர்ம நபர்கள் தெய்வசிகாமணியை வெட்டிக் கொன்றனர். அதைத்தொடர்ந்து வீட்டுக்குள் புகுந்த மர்ம நபர்கள் கட்டிலில் தூங்கிக் கொண்டிருந்த செந்தில்குமார் (45), அலமாத்தாள் (65) ஆகிய இருவரையும் கொடூரமாக வெட்டிக் கொன்றனர்.

இதையடுத்து இன்று காலை செந்தில்குமாரை வீட்டுக்கு வருமாறு அழைத்த முடிதிருத்தும் நபர் வீட்டுக்கு சென்று பார்த்தார்.அப்போது மூவரும் இறந்து கிடந்தனர். இதனால் அதிர்ச்சியடைந்த அவர் உடனடியாக அவினாசிபாளையம் காவல் நிலையத்திற்கு தகவல் கொடுத்தார். தகவலறிந்து பல்லடம் போலீஸ் சூப்பிரண்டு சுரேஷ் மற்றும் போலீசார் சம்பவ இடத்துக்கு வந்து உடலை கைப்பற்றி பிரேத பரிசோதனைக்காக திருப்பூர் அரசு மருத்துவமனைக்கு அனுப்பி வைத்தனர். வீட்டுக்குள் இருந்த பீரோவும் உடைக்கப்பட்டு பொருட்கள் சிதறி கிடந்தன.

இதையடுத்து திருப்பூர் நகர போலீஸ் கமிஷனர் லட்சுமி சம்பவ இடத்திற்கு வந்து விசாரணை நடத்தினார். செந்தில்குமாரின் மனைவி கதறி துடித்து, "குழந்தைகளை எப்படி வளர்ப்பேன், தூங்கிக் கொண்டிருந்த என் கணவரை வெட்டி கொன்றனர். கண்டிப்பாக பிடிக்க வேண்டும். பிடிக்கவில்லை என்றால், போலீசாருக்கு  தான் கேவலம்" என்றார்.

இதையடுத்து, அங்கு வந்த தடயவியல் நிபுணர்கள் தடயங்களை சேகரித்து, தோட்டப் பகுதிகளில் மோப்ப நாய்களை வைத்து தடயங்களை சேகரித்து தீவிரமாக விசாரித்து வருகின்றனர். முதற்கட்ட விசாரணையில் 8 பவுன் நகை திருடு போனது தெரியவந்துள்ளது. ஒரே குடும்பத்தைச் சேர்ந்த தந்தை, தாய், மகன் படுகொலை செய்யப்பட்ட சம்பவம் பெரும் அதிர்ச்சியையும் சோகத்தையும் ஏற்படுத்தியுள்ளது.

இதைத்தொடர்ந்து செய்தியாளர்களை சந்தித்த திருப்பூர் நகர போலீஸ் கமிஷனர் லட்சுமி, இந்த சம்பவத்தை ஒருவர் செய்திருக்க முடியாது. திருடப்பட்ட நகைகள் குறித்து விசாரணை நடந்து வருகிறது. 5 தனிப்படைகள் அமைக்கப்பட்டு பல்வேறு கோணங்களில் விசாரணை நடைபெற்று வருகிறது. மேலும் அனைத்து பகுதிகளிலும் வாகன சோதனை நடத்தப்பட்டு வருகிறது என்றார். கொலையுண்ட தெய்வசிகாமணி, அமலாத்தாள், மகன் செந்தில்குமார் ஆகியோரின் உடல்கள் திருப்பூர் அரசு மருத்துவக் கல்லூரி மருத்துவமனையில் பிரேதப் பரிசோதனைக்குப் பிறகு உறவினர்களிடம் ஒப்படைக்கப்பட்டு இறப்புச் சான்றிதழ் மூலம் அவர்களது வீடுகளுக்குக் கொண்டு செல்லப்பட்டது என்றார்.

கார்த்திகை ஸ்பெஷல்... சங்காபிஷேகம் விரதமுறை, பலன்கள்!

ஐயப்ப பக்தர்கள் தினசரி சொல்ல வேண்டிய ஸ்லோகம் இது தான்!

ஐயப்பன் பக்தர்கள் தெரிஞ்சிக்கோங்க ... சபரிமலை சுவாரஸ்யங்கள்!

கார்த்திகை மாத சிறப்புகள், பண்டிகைகள் , வழிபாடுகள்... முழு தகவல்கள்!