கடந்த 9 மாதங்களில் 6வது முறை.. ஐஸ்லாந்தில் வெடித்து சிதறிய எரிமலை!
வடக்கு ஐரோப்பாவில் அமைந்துள்ள ஒரு தீவு நாடான ஐஸ்லாந்தில் சராசரியாக 4 முதல் 5 ஆண்டுகளுக்கு ஒருமுறை எரிமலை வெடிப்பு ஏற்படுகிறது. கடந்த 2010ல் ஏற்பட்ட எரிமலை வெடிப்பில் பெரும் சேதம் ஏற்பட்டது. சுமார் 4 மாதங்களாக விமான சேவை பாதிக்கப்பட்டது. இந்நிலையில் கடந்த டிசம்பர் மாதம் ஐஸ்லாந்தில் எரிமலை வெடித்தது.
இதன் காரணமாக ஐஸ்லாந்து தலைநகர் ரெய்க்ஜாவிக் நகரில் இருந்து சுமார் 50 கி.மீ. கிரின்டாவிக் என்ற தொலைதூரப் பகுதியில் இருந்து பொதுமக்கள் அனைவரும் பாதுகாப்பான இடங்களுக்கு வெளியேற்றப்பட்டனர். இந்நிலையில், ஐஸ்லாந்தில் நேற்று மீண்டும் எரிமலை வெடித்தது. கடந்த 9 மாதங்களில் இது 6வது எரிமலை வெடிப்பு ஆகும். இந்த வெடிப்பு லேசான நிலநடுக்கத்தையும் ஏற்படுத்தியுள்ளது.
எரிமலையில் இருந்து வெளியேறும் எரிமலைக் குழம்பைக் காண சுற்றுலாப் பயணிகள் குவிந்துள்ளனர். வெடிப்பு ஏற்பட்ட இடத்திற்கு அருகில் உள்ள கிரின்டாவிக் நகரத்திலிருந்து பெரும்பாலான மக்கள் ஏற்கனவே வெளியேறிவிட்டனர். எவ்வாறாயினும், இந்த எரிமலை வெடிப்பினால் கிரண்டாவிக் பகுதிக்கு எவ்வித பாதிப்பும் ஏற்படாது எனவும், இந்த எரிமலை வெடிப்பினால் விமான சேவைகளுக்கு எவ்வித பாதிப்பும் ஏற்படவில்லை எனவும் தெரிவிக்கப்பட்டுள்ளது.
இதையும் பிடிச்சிருந்தா படிச்சு பாருங்க
வாழ்வில் செல்வமும், அதிர்ஷ்டமும் கிடைக்க இதை மறக்காதீங்க!
பகீர்! கல்லூரி மாணவியைக் கடத்தி பாலியல் வன்கொடுமை!
பாதாள அறையில் சாய்பாபா! ஷீரடி போகும் போது இதை மிஸ் பண்ணாதீங்க!