அதிமுக மகளிர் அணி ஆர்ப்பாட்டம்: கோபமாக மேடையை விட்டு சென்ற காயத்ரி ரகுராம்!

அண்ணா பல்கலைக்கழக மாணவி விவகார மற்றும்  தமிழ்நாடு முழுவதும் பெண்களுக்கு எதிரான பாலியல் வன்கொடுமைகள் எதிராகவும், திமுக அரசு மற்றும் திமுக அமைச்சர்களைக் கண்டித்து சென்னையில் அதிமுக மகளிர் அணியினர் ஆர்ப்பாட்டம் நடத்தினர். இந்தப் போராட்டத்திற்கு அதிமுக மகளிர் அணி செயலாளர், கட்சியின் செய்தித் தொடர்பாளர் மற்றும் முன்னாள் அமைச்சர் பி. வளர்மதி தலைமை தாங்கினர்.

அதிமுக அமைப்புச் செயலாளர், கட்சியின் செய்தித் தொடர்பாளர், முன்னாள் அமைச்சர் கோகுல இந்திரா உள்ளிட்ட பல கட்சி நிர்வாகிகள் போராட்டத்தில் கலந்து கொண்டனர். இந்த நிலையில், போராட்டத்தில் பங்கேற்ற அதிமுக மகளிர் அணி துணைச் செயலாளர் காயத்ரி ரகுராம், கூட்டத்திலிருந்து விரைவாக வெளியேறும் காட்சிகள் வைரலாகி வருகின்றன.

போராட்டத்தின் அதிமுக மகளிர் அணி நிர்வாகிகள் மேடையில் நின்று கொண்டிருந்தனர். அவர்களில் காயத்ரி ரகுராமும் நின்று கொண்டிருந்தார். அந்த நேரத்தில், முன்னாள் அமைச்சர் கோகுல இந்திரா சில நிர்வாகிகளை மேடைக்கு வருமாறு அழைத்தார். பெண் நிர்வாகிகள் மேடையில் ஏறினர். அவர்கள் ஒவ்வொருவராக மேடையில் ஏறும்போது, ​​காயத்ரி ரகுராம் ஒதுக்கித் தள்ளிவிடப்பட்டார்.

ஒரு கட்டத்தில், பின்னுக்குத் தள்ளப்பட்ட காயத்ரி ரகுராம் மிகவும் கோபமடைந்தார். பின்னர் அவர் விரைவாக மேடையில் இருந்து இறங்கி வெளியேறினார். மேடையில் காயத்ரி ரகுராமுக்கு சரியான இடம் கொடுக்கப்படாததால் அவர் மேடையில் இருந்து இறங்கிவிட்டதாக நெட்டிசன்கள் கூறி வருகின்றனர். ஆனால், மேடையில் மகளிர் அணி நிர்வாகிகள் பயன்படுத்திய வார்த்தைகள் பிடிக்காததால் தான் போராட்டத்தை விட்டு வெளியேறியதாக காயத்ரி ரகுராம் கூறியதாக கூறப்படுகிறது.

இந்த 6 நட்சத்திரத்தில் பிறந்தவங்களுக்கு தான் அதிர்ஷ்ட மழை!

மார்கழி மாத விரத முறைகள், வழிபாடு, பலன்கள்!

ஐயப்பன் பக்தர்கள் தெரிஞ்சிக்கோங்க ... சபரிமலை சுவாரஸ்யங்கள்!

விட்டேனா பார்!! ராஜநாகத்துடன் ஆக்ரோஷமாக சண்டையிடும் கோழி!!