மக்களே உஷார்... தமிழகத்தில் HMPV வைரஸ் ... மாஸ்க் கட்டாயம்!
சீனாவில் உருவாகி பெரும்பாதிப்பை ஏற்படுத்தி வரும் HMPV வைரஸ் இந்தியாவிலும் பரவத் தொடங்கியுள்ளது. அந்த வகையில் கர்நாடகா மாநிலம் பெங்களூருவில் 2 கை குழந்தைகளுக்கு இந்த HMPV தொற்று கண்டறியப்பட்டுள்ளது. குஜராத், கர்நாடகாவை தொடர்ந்து தமிழகத்திலும் 2 குழந்தைகளுக்கு HMPV தொற்று அறிகுறிகள் உறுதி செய்யப்பட்டுள்ளதாக தகவல்கள் வெளியாகியுள்ளன.அதன்படி தலைநகர் சென்னையில் சேத்துப்பட்டு பகுதி தனியார் மருத்துவமனையிலும், கிண்டியில் உள்ள தனியார் மருத்துவமனையிலும் உள்ள 2 குழந்தைகளுக்கு HMPV தொற்று உறுதி செய்யப்பட்டுள்ளதாக தகவல்கள் வெளியாகியுள்ளன.
இந்த இரு குழந்தைகளும் சளி, இருமல், காய்ச்சல் ஆகிய உடல்நல பாதிப்புகளுக்காக மருத்துவமனையில் அனுமதிக்கப்பட்டார்கள். அதே போல் சென்னையில் ஒருவரும், சேலத்தில் ஒருவரும் மனித HMPV நோயால் பாதிக்கப்பட்டுள்ளனர். தற்போது அவர்கள் நலமுடன் இருப்பதாக மருத்துவதுறை சார்பில் தெரிவிக்கப்பட்டுள்ளது. இந்த தகவலால் பொதுமக்கள் பெரும் அச்சத்தில் ஆழ்ந்துள்ளனர். இந்நிலையில் இது குறித்து தமிழக சுகாதாரத்துறை செய்திக்குறிப்பு ஒன்றை வெளியிட்டுள்ளது.
கொரோனா போலவே இந்த வைரஸ் பரவி வருவதால் மக்கள் சற்று அதிர்ச்சியில் உள்ளனர். தமிழகத்தை பொறுத்தவரை கட்டுப்படுத்தும் அளவிலேயே காய்ச்சல் பாதிப்புகள் இருந்து வருகின்றன. மக்கள் கூட்டம் அதிகம் இருக்கும் இடங்களில் முகக்கவசம் அணிய வேண்டும் என தமிழக அரசின் மருத்துவம் மற்றும் மக்கள் நல்வாழ்வுத்துறை அறிக்கை வெளியீட்டு அறிவுறுத்தியுள்ளது.
ஜனவரி 6, 2025 சுகாதாரம் மற்றும் குடும்ப நல அமைச்சகம் இந்திய அரசு, மத்திய சுகாதார செயலாளர் தலைமையில் அனைத்து மாநில சுகாதார அதிகாரிகளுடன் வீடியோ கான்பரன்ஸ் நடத்தியது. சுகாதாரத்துறை கூடுதல் தலைமைச் செயலாளர் தலைமையில் நடைபெற்ற இந்த கூட்டத்தில் தமிழக சுகாதாரத்துறை உயர் அதிகாரிகள் பலர் கலந்து கொண்டனர். எச்எம்பிவி வைரஸ் நிலையாக இருப்பதாகவும், அது பீதியை ஏற்படுத்தக் காரணம் அல்ல என்றும் மத்திய அரசு தெளிவுபடுத்தியுள்ளது. எனவே மக்கள் யாரும் அச்சப்படத் தேவையில்லை எனவும் தெரிவித்துள்ளது.
2025 புத்தாண்டு இந்த 6 நட்சத்திரத்தில் பிறந்தவங்களுக்கு தான் அதிர்ஷ்ட மழை!
மார்கழி மாத விரத முறைகள், வழிபாடு, பலன்கள்!
ஐயப்பன் பக்தர்கள் தெரிஞ்சிக்கோங்க ... சபரிமலை சுவாரஸ்யங்கள்!