ரூ60 லட்சம் சம்பளத்தில் இந்தியாவின் டாப் கோடிங் பெண்...!!

பட்டப்படிப்பு, பொறியியல் என  என்ன படிப்பு படித்து முடித்தாலும் வேலை கிடைப்பது குதிரை கொம்பாக மாறியுள்ளது. ஐஐடி உட்பட  பெரியபெரிய பொறியியல் கல்லூரிகள், வணிக கல்லூரிகளில் படித்து பட்டம் பெற்றவர்களை மட்டுமே பெரிய நிறுவனங்கள் அதிக அளவில் சம்பளம் கொடுத்து பணியில் அமர்த்துகின்றன.  சில நேரங்களில் சிறிய கல்வி நிறுவனங்களில் படித்தவர்களும் வாய்ப்பு கிடைப்பதுண்டு. அந்த வகையில், ஆண்டுக்கு ரூ.60 லட்சம் சம்பளத்தில் லின்கிடின் நிறுவனத்தில் ஒரு மாணவிக்கு பணி   கிடைத்துள்ளது.

 இவர் முஸ்கன் அகர்வால். இவர் கோடிங் செய்வதில் திறமை வாய்ந்தவர். இந்த பெண்ணுக்கு  நெட்வொர்க்கிங் தளமான LinkedIn ஆண்டுக்கு ரூ.60 லட்சம் சம்பளத்தில் வேலை கிடைத்துள்ளது.   முஸ்கன்  உத்தரப் பிரதேசத்தின் உனாவில் உள்ள இந்திய தகவல் தொழில்நுட்ப நிறுவனத்தில்  மின்னணுவியல் மற்றும் தகவல் தொடர்புப் பொறியியலில் இந்த ஆண்டு இளங்கலைப் பட்டம் பெற்றவர் .  இவரது இறுதி GPA மதிப்பெண் 9.40  . தனது கல்லூரி வரலாற்றிலேயே மிக உயர்ந்த சம்பளத்துக்கு தேர்வான பெண் என்ற பெருமையை இந்த பணி கிடைத்ததன் மூலம் முஸ்கன் அகர்வால் பெற்றுள்ளார். 

கடந்த ஆண்டு, இந்தியாவில் நடைபெற்ற மிகப்பெரிய கோடிங் போட்டியான TechGig Geek Goddess 2022 ல் கலந்து கொண்ட முஸ்கன் அகர்வால், 69,000 போட்டியாளர்களை வீழ்த்தி வெற்றி பெற்று ரூ.1.5 லட்சம் ரொக்கப் பரிசை தட்டி சென்றார். இதன் மூலம், India's top coder என்ற பெருமையை அவர் பெற்றார்.தொழில்நுட்பத் துறையில் முஸ்கன் அகர்வாலின் சாதனைகள், LinkedIn நிறுவனத்தில் மென்பொருள் மேம்பாட்டுப் பொறியாளராகப் பணியைப் பெறுவதற்கு அவருக்கு உதவியது. பெங்களூருவில் தற்போது வசித்து வரும் அவர், கடந்த ஐந்து மாதங்களாக அந்நிறுவனத்தில் பணிபுரிந்து வருகிறார்.உனாவில் உள்ள இந்திய தகவல் தொழில்நுட்ப நிறுவனத்தில் படித்த மற்றொரு மாணவர் ரூ.47 லட்சம் வருடாந்திர சம்பளத்துக்கு தேர்வு செய்யப்பட்டுள்ளார்.  2019-23 பேட்ச் மாணவர்களில் சுமார் 86 சதவீதம் பேர், 31 வெவ்வேறு நிறுவனங்களில் வேலை வாய்ப்புகளைப் பெற்றுள்ளனர் எனத் தெரிவிக்கப்பட்டுள்ளது.

ஐப்பசி மாத புனித நீராடலின் மகத்துவம்.. மிஸ் பண்ணீடாதீங்க!!

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

கிடுகிடுவென உடல் எடை குறைய தினம் இந்த பழம் சாப்பிட்டு பாருங்க...!!

ஐஸ்வர்யங்களை அள்ளித் தரும் ஐப்பசி மாத பண்டிகைகள், சிறப்புக்கள்!!