திம்பம் மற்றும் கடம்பூர் மலைப்பாதைகளில் மண் சரிவு... கடும் போக்குவரத்து நெரிசல்!

திம்பம் மலைப்பாதை மற்றும் கடம்பூர் மலைப்பாதையில் மண் சரிவுகள் ஏற்பட்டதாலாக, தீபாவளி தினத்தன்று வாகன போக்குவரத்து பாதிக்கப்பட்டது. ஈரோடு மாவட்டம் சத்தியமங்கலம்-மைசூர் தேசிய நெடுஞ்சாலையில் பண்ணாரி அம்மன் கோயில் அருகே 27 கொண்டை ஊசி வளைவுகளுடன் அமைந்துள்ள திம்பம் மலைப்பாதை வழியாக தமிழக-கர்நாடக மாநிலங்களுக்கிடையே வாகனங்கள் இயக்கப்படுகின்றன.

நேற்று முன்தினம் இரவு முதல் நேற்றைய காலை வரை பெய்த கனமழை காரணமாக 7, 8, 20 மற்றும் 27வது ஊசி வளைவுகளில் மொத்தம் 4 இடங்களில் மண் சரிவு ஏற்பட்டது. இதனால் காலை நேரத்திலே போக்குவரத்து நிறுத்தப்பட்டது. தேசிய நெடுஞ்சாலை துறை, ஆசனூர் தீயணைப்பு மற்றும் வனத்துறையினர் சம்பவ இடத்திற்கு விரைந்து சென்று மண் மற்றும் கற்களை அகற்றும் பணியில் ஈடுபட்டனர். பின்னர் சாலை சீரமைக்கப்பட்டு வாகன போக்குவரத்து தொடங்கியது.

இதேபோல் சத்தியமங்கலத்தில் இருந்து கடம்பூர் செல்லும் மலைப்பாதையிலும் மண் சரிவுகள் ஏற்பட்டதால், அந்த கிராமங்களுக்கு போக்குவரத்து பாதிக்கப்பட்டது. அப்பகுதியிலும் சீரமைப்பு பணிகள் மேற்கொள்ளப்பட்டு போக்குவரத்து மீண்டும் சீரானது. தீபாவளி தினத்தன்று மலைப்பாதைகளில் ஏற்பட்ட மண் சரிவுகள் பயணிகளுக்கு பெரும் அவதிப்பை ஏற்படுத்தின.

இதையும் பிடிச்சிருந்தா படிச்சு பாருங்க

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

வாழ்வில் செல்வமும், அதிர்ஷ்டமும் கிடைக்க இதை மறக்காதீங்க!

பள்ளத்தில் தவறி விழுந்த யானை !! வைரலாகும் வீடியோ!!

பாதாள அறையில் சாய்பாபா! ஷீரடி போகும் போது இதை மிஸ் பண்ணாதீங்க!