40000 திரையரங்குகளில் சீனாவில் வெற்றிநடைபோடும் ”மகாராஜா” !

நடிகர் விஜய் சேதுபதியின் 50 வது திரைப்படம் மகாராஜா. இயக்குநர் நித்திலன் சுவாமிநாதன் இயக்கத்தில் உருவான இப்படம்  ஒரு குப்பைத்தொட்டியை கருப்பொருளாக எடுத்துக்கொண்டு படத்தை கையாண்டுள்ளார்.  ட்விஸ்ட் மேல் ட்விஸ்ட் கொடுத்து இப்படம் ரசிகர்களிடையே பெரும் வரவேற்பை பெற்றது. படத்தில் நடித்திருந்த விஜய் சேதுபதி, நட்டி, முனிஷ்காந்த், அருள்தாஸ், சிங்கம் புலி, பாய்ஸ் மணிகண்டன், பாரதிராஜா, மம்தா மோகன் தாஸ், அனுராக் கஷ்யப், அபிராமி உட்பட அனைவருமே  தங்களுடைய சிறந்த நடிப்பை கொடுத்திருந்தனர்.  இந்த திரைப்படம் 20கோடி பட்ஜெட்டில் உருவாக்கப்பட்டு ரூ.110 கோடியை வசூலித்து மிகப்பெரிய வெற்றிப்படமாக மாறியது.

ஓடிடியில் வெளியான பிறகும் அதிகப்படியானவர்களால் பார்க்கப்பட்ட திரைப்படம் என்ற சாதனையையும் படைத்துள்ளது.  அதனை மேலும் உறுதிப்படுத்தும் வகையில் மகாராஜா திரைப்படம்  சீனாவில் 40,000 திரைகளில் வெளியாகும் என படத்தின் வெளியீட்டு உரிமையை வைத்திருக்கும் ஹோம் ஸ்கிரீன் என்டர்டெயின்மென்ட் மற்றும் நைன் நாட்ஸ் என்டர்டெயின்மென்ட் ஆகியவை யி ஷி பிலிம்ஸ் உறுதிப்படுத்தின. இந்நிலையில் இந்த திரைப்படம் சீனாவில் நேற்று வெளியாகி பெரும் வரவேற்பை பெற்றுள்ளது.  
சீனாவில் வெளியான இந்திய சினிமாக்கள் மற்றும் அதன் திரை எண்ணிக்கையை ஒப்பிடுகையில், விஜய சேதுபதியின் மகாராஜா திரைப்படம் 2 வது அதிகப்படியான திரைகளை கொண்டுள்ளது. சீனாவில் வெளியான இந்திய சினிமாக்களில், ரஜினியின் 2.O திரைப்படம் 48,000 திரைகளை கொண்டிருந்த நிலையில், மகாராஜா திரைப்படம்  40,000 திரைகளில்  வெளியாகியுள்ளது. அடுத்தடுத்த இடத்தில் பாகுபலி 2 (18,000 திரைகள்), தங்கல் (9000 திரைகள்) முதலிய திரைப்படங்கள் உள்ளன.  

இது குறித்து நடிகர் சிவகார்த்திகேயன்   தனது எக்ஸ் தளத்தில் , “மகாராஜா சீனாவில் பிரம்மாண்டமாக வெளியானது. இந்த சாதனையைப் பற்றி பெருமைப்படுவதோடு, அங்கும் பிரம்மாண்ட வெற்றி பெரும் என நம்புகிறேன். விஜய் சேதுபதிக்கும், இயக்குநர் நித்திலன் சாமிநாதனுக்கும் வாழ்த்துகள். எல்லை தாண்டிய ஒரு படத்தை உருவாக்கியதற்காக சுதன் மற்றும் ஒட்டுமொத்த குழுவுக்கும் வாழ்த்துகள்” எனத் தெரிவித்துள்ளார்.
சீனாவில் மகாராஜா paid previewsகளில் மட்டும் இந்திய மதிப்பில் இதுவரை ரூ.5.4 கோடியை வசூலித்துள்ளது.சீனாவில் அதிக வசூல் செய்த இந்திய திரைப்படங்களில் பாகுபலி மட்டுமே ஒரே தென்னிந்திய திரைப்படம். பாகுபலி 2 ம் பாகம் ரூ. 80.56 கோடியை வசூலித்துள்ளது.
மகாராஜா நல்ல வசூலை மேற்கொள்ளும் பட்சத்தில், சீனாவில் அதிக வசூல் செய்த இந்திய திரைப்படங்களில், மகாராஜாவும் இணைந்து விடும் என்கின்றனர் சினிமா ஆர்வலர்கள். 

கார்த்திகை ஸ்பெஷல்... சங்காபிஷேகம் விரதமுறை, பலன்கள்!

ஐயப்ப பக்தர்கள் தினசரி சொல்ல வேண்டிய ஸ்லோகம் இது தான்!

ஐயப்பன் பக்தர்கள் தெரிஞ்சிக்கோங்க ... சபரிமலை சுவாரஸ்யங்கள்!

கார்த்திகை மாத சிறப்புகள், பண்டிகைகள் , வழிபாடுகள்... முழு தகவல்கள்!