தாய்மாமனும், காதலியும் குற்றவாளி.. துடிதுடிக்க காதலனைக் கொன்ற வழக்கில் இன்று தண்டனை அறிவிப்பு!

காதலிச்ச பாவத்துக்கு இப்படியா உயிரை காவு வாங்குவா? என்று உச் கொட்டி கடவுளின் தேசம் கண்ணீரில் கரைந்தது. அப்படி தான் உயிருக்கு உயிராக காதலித்து வந்த காதலியே தனக்கு ஜூஸில் விஷம் கலந்து கொடுத்து, கொலைச் செய்ய துணிவாள் என்று கனவிலும் நினைத்துப் பார்த்திருந்த மாட்டார் ஷரோன் ராஜ்.
இப்படி ஒட்டுமொத்த தேசத்தையும் அதிர வைத்த காதலி, கொலைச் செய்தது நிரூபணமான நிலையில், காதலியும், அவரது தாய்மாமனும் குற்றவாளிகள் என்று நேற்று தீர்ப்பு வழங்கப்பட்டது. இன்று இந்த வழக்கில் தண்டனை அறிவிக்கப்பட உள்ளது. கன்னியாகுமரி மாவட்டத்திற்கு அருகில் உள்ள கேரள பகுதியில் அமைந்துள்ள பரசாலையைச் சேர்ந்த ஷரோன் ராஜ் என்ற இளைஞர், கேரளாவைச் சேர்ந்த கிருஷ்ணா என்ற பெண்ணை காதலித்து வந்தார்.
இந்த வழக்கில், ஷரோன் ராஜ் திடீரென நோய்வாய்ப்பட்டு 2022 இல் இறந்தார். புகாரின் பேரில் போலீசார் நடத்திய விசாரணையில், கிருஷ்ணா தனது வீட்டில் பார்த்த ராணுவ வீரரை திருமணம் செய்து கொள்ள திட்டமிட்டிருந்தார். தனது காதலன் ஷரோன் ராஜாவை வீட்டிற்கு அழைத்து பழச்சாற்றில் விஷம் கலந்து கொலை செய்தது தெரிய வந்தது.
ஜோதிடர் தனது முதல் கணவர் இறந்து விடுவார் என்று கணித்ததால், கிருஷ்ணா தனது பழச்சாற்றில் விஷம் கலந்து ஷரோனிடம் கொடுத்து கொலை செய்ததும் தெரிய வந்தது. இதைத் தொடர்ந்து, கேரள போலீசார் கிருஷ்ணா, அவரது தாய் மற்றும் மாமாவை கைது செய்தனர். வழக்கு விசாரணை தீவிரமாக நடந்து வந்த நிலையில், கேரளாவின் நெய்யாட்டின்கராவில் உள்ள கூடுதல் மாவட்ட அமர்வு நீதிமன்றம் நேற்று தீர்ப்பளித்தது. அதில், “இந்த கொலை வழக்கில் கிருஷ்ணா முக்கிய குற்றவாளி.
பழச்சாற்றில் விஷம் கலந்து வாங்கிய கிருஷ்ணாவின் மாமா நிர்மல் குமரன் நாயர் இரண்டாவது குற்றவாளியாக அறிவிக்கப்பட்டுள்ளார். அதே நேரத்தில், கிருஷ்ணாவின் தாய் சிந்து விடுதலை செய்யப்பட்டார்.
கிருஷ்ணாவின் தாயார் விடுதலை செய்யப்பட்டிருப்பது ஷரோனின் குடும்பத்தினரிடையே அதிருப்தியை ஏற்படுத்தியுள்ளது. சிந்துவும் கிருஷ்ணாவும் சேர்ந்து தங்கள் மகனைக் கொலை செய்யத் திட்டமிட்டதாகவும், முக்கிய குற்றவாளி சிந்து என்றும் ஷரோனின் பெற்றோர் தெரிவித்துள்ளனர். இந்நிலையில், குற்றவாளிகளுக்கான தண்டனை இன்று அறிவிக்கப்பட உள்ளது.
2025 புத்தாண்டு இந்த 6 நட்சத்திரத்தில் பிறந்தவங்களுக்கு தான் அதிர்ஷ்ட மழை!
மிஸ் பண்ணாதீங்க... தை மாதத்தின் சிறப்புகள், வழிபாடுகள்!
தை மாத ராசிபலன்கள்... எந்தெந்த ராசிக்காரர்களுக்கு ஏற்றம்?
செல்வத்தை செழிக்கச் செய்யும் தை மாத ஞாயிறு விரதம்!!
தை வெள்ளிக்கிழமை... வாழ்க்கையில ஜெயிக்க இதை செய்ய மறக்காதீங்க!