“சென்னையில் எங்கேயுமே மழைநீர் தேங்கவில்லை” - முதல்வர் ஸ்டாலின் தகவல்!

சென்னையிலும் சுற்றுவட்டார பகுதிகளிலும் எங்கேயுமே மழை நீர் தேங்கவில்லை என்று செய்தியாளர்களிடம் தமிழக  முதல்வர் ஸ்டாலின் கூறிய நிலையில், சமூக வலைத்தளங்களில் பலரும் வடசென்னை, வேளச்சேரி, கோபாலபுரம் முன்னாள் முதல் கலைஞர் கருணாநிதி வீடு, நந்தனம், ஆழ்வார்பேட்டை, போயஸ்கார்டன், வடபழனி, விருகம்பாக்கம், தாம்பரம் என்று பல பகுதிகளிலும் சாலைகளில் தேங்கியிருக்கும் வெள்ளத்தை வீடியோவாகவும், புகைப்படங்களாகவும் பதிவேற்றி தங்களது ஆதங்கத்தைத் தெரிவித்து வருகின்றனர்.

ஃபெஞ்சல் புயல் கரையைக் கடப்பதில் தாமதம் ஏற்படுகிறது. இன்று பிற்பகலில் கடக்கும் என எதிர்பார்க்கப்பட்ட நிலையில் இன்றிரவு காரைக்கால் - மாமல்லபுரம் பகுதிக்கு இடையே கரையை கடக்கலாம் என எதிர்பார்க்கப்படுகிறது. புயல் கரையைக் கடக்கும் போது சென்னை மற்றும் சுற்றுவட்டார மாவட்டங்ளில் அதீத காற்றுடன் கனமழை பெய்யக்கூடும் என வானிலை ஆய்வு மையம் தகவல் தெரிவித்துள்ளது.

இந்நிலையில், புயல், மழையை எதிர்கொள்ளும் வகையில் முன்னெச்செரிக்கை நடவடிக்கைகளை தமிழக அரசு மேற்கொண்டு வருகிறது. கடலோர  மாவட்டங்களில் மாநில பேரிடர் குழுவினர் முகாமிட்டுள்ளனர். சென்னையில் உள்ள பேரிடர் கட்டுப்பாட்டு அறையில் அதிகாரிகள் தீவிர கண்காணிப்பில் ஈடுபட்டு வருகின்றனர்.
சென்னையில் உள்ள பேரிடர் மீட்பு கட்டுப்பாட்டு அறையில், தற்போது முதல்வர்  ஆய்வு மேற்கொண்டு வருகிறார். இந்த ஆய்வின் போது  அமைச்சர்கள் கே.கே.எஸ்.எஸ்.ஆர்.ராமச்சந்திரன், கே.என்.நேரு ஆகியோர் உடன் இருந்தனர்.

இது குறித்து முதல்வர்  மு.க.ஸ்டாலின் கூறுகையில், “கடந்த 2,3 நாட்களாக மழை பெய்து வருகிறது. இதனை வானிலை ஆய்வு மையம் தொடர்ந்து அறிவுறுத்தி வந்தது. கனமழை எச்சரிக்கை விடுக்கப்பட்ட நிலையில், தமிழக அரசு முன்னெச்சரிக்கை பணிகளை தீவிரமாக மேற்கொண்டு வருகிறது. நேற்று இரவு கடும் மழைப்பொழிவு இருந்தது. இன்று இரவு புயல் கரையை கடக்கும் என செய்திகள் வெளியாகின்றன.

சென்னை, செங்கல்பட்டு, காஞ்சிபுரம், திருவள்ளூர், ராணிப்பேட்டை மாவட்ட ஆட்சியர்களுடன் பேசியுள்ளோம். பல்வேறு இடங்களில் நிவாரண முகாம்கள் அமைக்கப்பட்டுள்ளன. கனமழையால் பாதிக்கப்பட்ட மக்களை மீட்டு முகாம்களில் தங்கவைத்து வருகின்றனர். அவர்களுக்கு தேவையான உணவு வழங்கப்பட்டு வருகிறது.

தமிழகம் முழுக்க கனமழையால் பாதிக்கப்பட கூடிய மாவட்டங்களில் அந்தந்த மாவட்ட பொறுப்பு அமைச்சர்கள் கண்காணித்து வருகின்றனர். இதுவரை எந்த ஆபத்தான செய்தியும் வரவில்லை. இப்போது வரை சென்னை சுற்றுவட்டார பகுதிகளில் மழைநீர் தேங்கவில்லை” என்று கூறியுள்ளார். 

உங்க ஏரியாவில் மழை தண்ணீர் தேங்கவில்லை எனில் எந்த ஏரியா என்று கமெண்ட்ல போடுங்க. அங்கே மழைநீர் வடிக்கால் பணிகள் முழுமையாக நடந்திருப்பதாக தெரிந்துக் கொள்ளலாம். தண்ணீர் இருந்தால் அந்த ஏரியாப் பெயரையும் போடுங்க. வாகன ஓட்டிகளை எச்சரிக்கை செய்யும் விதமாக அவர்களுக்கு உதவியாக இருக்கும். 

கார்த்திகை ஸ்பெஷல்... சங்காபிஷேகம் விரதமுறை, பலன்கள்!

ஐயப்ப பக்தர்கள் தினசரி சொல்ல வேண்டிய ஸ்லோகம் இது தான்!

ஐயப்பன் பக்தர்கள் தெரிஞ்சிக்கோங்க ... சபரிமலை சுவாரஸ்யங்கள்!

கார்த்திகை மாத சிறப்புகள், பண்டிகைகள் , வழிபாடுகள்... முழு தகவல்கள்!