ஆம்னி பேருந்து - லாரி மோதி விபத்து... தீக்கிரையான பேருந்து!

விருதுநகர் அருகே லாரி - ஆம்னி பேருந்து மோதி விபத்திற்குள்ளானதில் ஆம்னி சொகுசு பேருந்து முற்றிலும் எரிந்து சேதமடைந்தது. 

விருதுநகர் அருகே சாத்தூர் செல்லும் நான்கு வழிச் சாலையில் ஆர்.ஆர்.நகர் பகுதியில் லாரி மீது ஆம்னி பேருந்து மோதிய விபத்தில் ஆம்னி பஸ் முற்றிலும் எரிந்தது. விருதுநகர் அருகே ஆர்ஆர்நகரில் இருந்து சிமெண்டு மூடைகள் ஏற்றிய லாரி ஒன்று தென்காசி நோக்கி புறப்பட்டது. லாரியை சாத்தூர் பெரிய கொல்லப்பட்டியைச் சேர்ந்த ராகவன் (42) என்பவர் ஓட்டிச் சென்றார். 

சர்வீஸ் சாலையில் இருந்து மெயின் ரோட்டில் ஏறிய போது, சென்னையில் இருந்து நாகர்கோவில் நோக்கி பயணிகள் இல்லாமல் சென்ற தனியார் ஆம்னி பேருந்து லாரி மீது மோதி விபத்து ஏற்பட்டது.

இந்த விபத்தில் லாரியும் ஆம்னி பேருந்தும் தீப்பற்றி எரிந்தன. லாரி ஓட்டுநர் ராகவன், ஆம்னி பேருந்து ஓட்டுனர் கணேசன்(25) தீக்காயம் அடைந்தார். ஆம்னி பேருந்து ஓட்டுநர் உடனடியாக பேருந்தில் இருந்து இறங்கியதால் சிறிய காயத்துடன் தப்பினார். காயமடைந்த லாரி ஓட்டுநர் 108 ஆம்புலன்ஸ் மூலம் சிகிச்சைக்காக விருதுநகர் அரசு மருத்துவமனையில் சேர்க்கப்பட்டார். 

ஆம்னி பேருந்து டிரைவர் கணேசன், சிகிச்சைக்காக சாத்தூர் அரசு ஆஸ்பத்திரியில் சேர்க்கப்பட்டார். விபத்து குறித்து தகவலறிந்த தீயணைப்பு மீட்பு படையினர் விருதுநகர், சாத்தூரில் இருந்து விரைந்து சென்று லாரி மற்றும் ஆம்னி பஸ்சில் பற்றி எரிந்த தீயை அணைத்தனர். இந்த விபத்து குறித்து வச்சக்காரப்பட்டி போலீசார் விசாரணை நடத்தி வருகின்றனர்.

இதையும் பிடிச்சிருந்தா படிச்சு பாருங்க

புரட்டாசி மாதத்தில் இத்தனை சிறப்புகளா? என்னென்ன வழிபாடுகள், பலன்கள் தெரியுமா?

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

பளபளக்கும் மிருதுவான சருமத்திற்கு இதை மட்டும் செய்தாலே போதும்!!

உங்க நட்சத்திரத்துக்கு லாபம் தரும் துறை எது?