பரபரப்பு... போலீஸ் மீது தாக்குதல் நடத்திய ரவுடி ஜம்பு துப்பாக்கியால் சுட்டு பிடிப்பு!
இது குறித்து ஸ்ரீரங்கம் போலீசார் வழக்குப்பதிவு செய்யப்பட்டுள்ளது. தமிழர் தேசம் கட்சி ஸ்ரீரங்கம் பகுதி நிர்வாகியான சக்தி மாரியம்மன் கோயில் நந்தக்குமார்(28), திருவானைக்காவல் சக்தி நகரை சேர்ந்த சரித்திர பதிவேடு குற்றவாளி ஜம்பு(எ) ஜம்புகேஷ்வரன் (36), விமல் (எ) விமல்ராஜ்(24), ஸ்ரீரங்கம் கீழவாசலை சேர்ந்த சூர்யா (எ) சூர்யபிரகாஷ்(31), பாலகிருஷ்ணன்(29) ஆகிய 5 பேர் கைது செய்யப்பட்டனர். இவர்களுடன் இருந்த கூட்டாளி ஹெல்மெட் பிரசாத் தலைமறைவானதை அடுத்து தேடுதல் வேட்டை தொடர்கிறது. இந்நிலையில் ஸ்ரீரங்கம் இன்ஸ்பெக்டர் கொலைக்கு பயன்படுத்திய ஆயுதங்கள் மறைத்து வைத்திருந்த இடத்திற்கு நேற்று மாலை ஜம்புவை வண்ணத்துப்பூச்சி பூங்கா பகுதிக்கு அழைத்து சென்றனர்.
அங்கு மறைத்து வைத்திருந்த ஆயுதத்தை எடுத்து வருவதாக சென்ற ஜம்பு, திடீரென ஆயுதத்தால் போலீசாரை சரமாரியாக தாக்கி விட்டு தப்பி ஓட முயற்சித்தார். அவர் தாக்கியதில் இன்ஸ்பெக்டர் வெற்றிவேல், எஸ்ஐ ராஜகோபால், எஸ்எஸ்ஐ செந்தில்குமார் ஆகியோர் படுகாயம் அடைந்தனர். இதனைத் தொடர்ந்து, இன்ஸ்பெக்டர் வெற்றில்வேல் ஜம்புவை இடது முழங்காலில் சுட்டு பிடித்தார். காயமடைந்த போலீசார் திருச்சி அரசு மருத்துவமனையில் சேர்க்கப்பட்டு சிகிச்சை பெற்று வருகின்றனர். துப்பாக்கியால் சுடப்பட்டதில் காயமடைந்த ஜம்புவும் திருச்சி அரசு மருத்துவமனையில் அனுமதிக்கப்பட்டுள்ளார். இந்த சம்பவம் திருச்சியில் பரபரப்பை ஏற்படுத்தியுள்ளது.
ரவுடி ஜம்பு யானை பாகன். இவரும் ஏற்கனவே கொலை செய்யப்பட்ட ரவுடி சந்திரமோகன் இருவரும் நண்பர்கள். இதில் சந்திரமோகன் ஸ்ரீரங்கம் மேம்பாலத்தில் பட்டப்பகலில் தலை துண்டித்து கொலை செய்யப்பட்டார். இது தொடர்பாக சுரேஷ் உட்பட 4 பேர் கைது செய்யப்பட்ட நிலையில் தற்போது அவர்கள் ஜாமீனில் வெளியே வந்துள்ளனர். கோயிலுக்கு மாலை அணிவித்து விரதம் இருந்து வந்த நிலையில் அவரை சந்திரமோகன் கொலைக்கு பழிக்கு பழியாக ஜம்பு கோஷ்டியினர் திட்டமிட்டு கொலை செய்திருப்பதாக வாக்குமூலம் அளித்துள்ளனர்.
புரட்டாசி மாதத்தில் இத்தனை சிறப்புகளா? என்னென்ன வழிபாடுகள், பலன்கள் தெரியுமா?
செல்வம் நிலைத்திருக்க புரட்டாசி சனிக்கிழமை வழிபாடு, பலன்கள்!
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
புரட்டாசி மாதத்தில் ஏன் அசைவம் சாப்பிடக்கூடாது ... விஞ்ஞான விளக்கம்!