அதிர்ச்சி... இந்தியாவில் கிளேட் 1பி குரங்கு அம்மை வைரஸ்.. கேரளத்தில் ஒருவருக்கு பாதிப்பு!

உஷாராக இருங்க மக்களே... இப்படி தான் கொரோனா கால கட்டத்திலும் சொன்னாங்க... ஆரம்பத்துல சீனாவுல உருவாகி இருக்குன்னு சொன்னவங்க... விழிப்புணர்வோட முன்னெச்சரிக்கையா இருக்கோம்... இந்தியாவுல எல்லாம் வராதுன்னு சொன்னாங்க. ரயில்வே ஸ்டேஷனிலும், விமான நிலையத்திலும் நம்ம அதிகாரிங்க எப்படி விழிப்புணர்வோட கொரோனா பரிசோதனைகளை செஞ்சுக்கிட்டிருந்தாங்க என வீடியோக்கள் வெளியாகி சிரிப்பாய் சிரிச்சுக்கிட்டிருந்தது.

இந்நிலையில், தற்போது உலகம் முழுவதும் பெரும் பாதிப்பையும், அச்சுறுத்தலையும் ஏற்படுத்தி வரும் கிளேட் 1பி குரங்கு தட்டம்மை இந்தியாவில் முதன்முறையாக கண்டறியப்பட்டுள்ளது. ஐக்கிய அரபு அமீரகத்தில் இருந்து கேரளா வந்த 38 வயது நபருக்கு தொற்று உறுதி செய்யப்பட்டது. சமீபத்தில் ஐக்கிய அரபு எமிரேட்ஸில் இருந்து திரும்பிய கேரள மாநிலம் மலப்புரம் மாவட்டத்தைச் சேர்ந்த 38 வயது நபர் ஒருவருக்கு 1பி வகுப்பு இருப்பது கண்டறியப்பட்டது. நோயாளி தற்போது நல்ல நிலையில் இருப்பதாகவும், கண்காணிப்பில் இருப்பதாகவும் கேரள சுகாதாரத் துறை அதிகாரிகள் தெரிவித்தனர்.

இது குறித்து மத்திய சுகாதாரத்துறை வட்டாரங்கள் கூறுகையில், "இந்தியாவில் குரங்கு தட்டம்மை பாதிப்பு இது 2வது முறையாகும். முக்கியமாக உலக அளவில் பெரும் பாதிப்பை ஏற்படுத்திய கிளேட் 1பி பாதிப்பு இதுவே முதல் முறையாகும். எனவே இது மிகவும் தீவிரமானது. இந்தியாவில் பெரிய அளவில் நோய் பரவுவதற்கான ஆபத்து குறைவாக உள்ளது, எந்த சூழ்நிலையையும் சமாளிக்க மாநிலங்கள் முழுமையாக தயாராக உள்ளன. எனினும், மக்கள் பீதியடைய தேவையில்லை.

பாதிக்கப்பட்டவரின் தொடர்புகள் கண்டுபிடிக்கப்பட்டு கண்காணிக்கப்பட்டு வருகிறது. இதுவரை, தொடர்பு கொண்ட எவருக்கும் குரங்கு நோய் அறிகுறி இருப்பது கண்டறியப்படவில்லை. இந்தியாவின் முதல் குரங்கு தட்டம்மை நோயாளி டெல்லி லோக் நாயக் மருத்துவமனையில் இந்த மாத தொடக்கத்தில் கண்டறியப்பட்ட நிலையில், அவர் ஒரு வார்டில் தனிமைப்படுத்தப்பட்டார். ஆகஸ்ட் 14 அன்று, உலக சுகாதார அமைப்பு (WHO) குரங்கு தட்டம்மை பரவலையொட்டி, கடந்த இரண்டு ஆண்டுகளில் இரண்டாவது முறையாக பொது சுகாதார அவசரநிலையை அறிவித்துள்ளது குறிப்பிடத்தக்கது.

புரட்டாசி மாதத்தில் இத்தனை சிறப்புகளா? என்னென்ன வழிபாடுகள், பலன்கள் தெரியுமா?

செல்வம் நிலைத்திருக்க புரட்டாசி சனிக்கிழமை வழிபாடு, பலன்கள்!

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

புரட்டாசி மாதத்தில் ஏன் அசைவம் சாப்பிடக்கூடாது ... விஞ்ஞான விளக்கம்!