வைரலாகும் ஸ்டாலின் மீம்ஸ் ... திமுகவை வச்சு செய்யும் நெட்டிசன்கள்...!

 
ஸ்டாலின்


 
தமிழகத்தில் திமுக  தலைமையில் முதல்வர் ஸ்டாலின் ஆட்சி நடத்தி வருகிறார். ஸ்டாலின் ஆட்சி பொறுப்பை ஏற்று 4 வருடங்கள் ஆகிவிட்ட நிலையில் முழுமையாக வாக்குறுதிகளை நிறைவேற்றவில்லை என எதிர்கட்சிகள் குற்றம் சாட்டி வருகின்றன. இபிஎஸ் தேர்தலில் திமுக சொன்ன வாக்குறுதிகளை இதுவரை முழுமையாக நிறைவேற்றவில்லை என தொடர்ந்து குற்றம் சாட்டி வருகிறார். இதேபோன்று பாஜக மற்றும் தமிழக வெற்றி கழகம்  கட்சிகளும் தேர்தல் வாக்குறுதிகளாக சொன்னதை திமுக நிறைவேற்றவில்லை எனக் கூறி வருகின்றன.  குறிப்பாக நீட் தேர்வை ரத்து செய்யும் ரகசியம் எங்களுக்கு தெரியும் என திமுக கூறிவிட்டு தற்போது மத்திய அரசுக்கு தான் அந்த அதிகாரம் இருப்பதாக கூறுவது பெற்றோர்களையும் மாணவர்களையும் தமிழக மக்களையும் ஏமாற்றும் செயல் என விஜய் கடுமையாக விமர்சித்துள்ளார்.

முதல்வர் ஸ்டாலின்


அதே போல் மகளிர் உரிமைத்தொகை என்பது திமுக ஆட்சிக்கு வந்தவுடன் நிறைவேற்றப்படவில்லை. அதிமுகவின் தொடர் வலியுறுத்தலால்தான் 2024 செப்டம்பர் மாதம் முதல் திமுக வழங்கி வருகிறது எனவும் இபிஎஸ் குற்றம் சாட்டியிருந்தார். இப்படி திமுகவின் தேர்தல் வாக்குறுதிகள் நிறைவேற்றப்படவில்லை என தொடர்ந்து எதிர்க்கட்சிகள் குற்றம் சாட்டி வரும் நிலையில் தற்போது தமிழக வெற்றி கழகத்தின் ஆதரவாளர்கள் சமூக வலைதளத்தில் முதல்வர் ஸ்டாலின் தேர்தல் வாக்குறுதிகள் பற்றி சொன்ன ஒரு வீடியோவை வைரல் ஆக்கி வருகிறார்கள்.

ஸ்டாலின்
அந்த வீடியோவில் ஸ்டாலின் 2022ல்  80 சதவீதம் தேர்தல் வாக்குறுதிகளை நிறைவேற்றி விட்டோம் எனக் கூறுகிறார்.  2023ல்  100% வாக்குறுதிகளில் 99 சதவீதத்தை நாங்கள் நிறைவேற்றி விட்டோம் எனக் கூறுகிறார்.  இதனையடுத்து 2025 ம் ஆண்டு 505 வாக்குறுதிகளில் மொத்தம் 385 வாக்குறுதிகளை நிறைவேற்றிவிட்டோம் என கூறுகிறார். 505 வாக்குறுதிகளில் 385 வாக்குறுதிகள் நிறைவேற்றப்பட்டால் மொத்தம் 77 சதவீதம் தான் நிறைவேற்றப்பட்டுள்ளது. முதல்வரே இது என்ன தப்பு தப்பா இப்படி கணக்கு போடுறீங்களே என்ற விதத்தில் இந்த வீடியோவை சமூக வலைதளத்தில் வைரலாக்கி வருகிறார்கள்.

2025 புத்தாண்டு இந்த 6 நட்சத்திரத்தில் பிறந்தவங்களுக்கு தான் அதிர்ஷ்ட மழை!

மிஸ் பண்ணாதீங்க... தை மாதத்தின் சிறப்புகள், வழிபாடுகள்!

தை மாத ராசிபலன்கள்... எந்தெந்த ராசிக்காரர்களுக்கு ஏற்றம்?

செல்வத்தை செழிக்கச் செய்யும் தை மாத ஞாயிறு விரதம்!

தை வெள்ளிக்கிழமை... வாழ்க்கையில ஜெயிக்க இதை செய்ய மறக்காதீங்க! 

From around the web