முதல்வர் ஸ்டாலின் கோவை வருகை... 3500 போலீசார் குவிப்பு!

  முதல்வர் மு.க.ஸ்டாலின் தமிழகம் முழுவதும் மாவட்டவாரியாக சென்று கள ஆய்வு செய்ய இருக்கும் நிலையில் முதல் கட்டமாக இன்று கோவை செல்கிறார். அங்கு  தமிழக அரசு சார்பில் நிறைவேற்றப்பட்டு வரும் மக்கள் நலத்திட்டங்கள் மற்றும் நலத்திட்ட பணிகள் மக்களை முழுமையாக சென்றடைகிறதா? என ஆய்வு செய்கிறார்.  இன்றும், நாளையும் கோவையில்  பல்வேறு நிகழ்ச்சிகளில் கலந்து கொள்கிறார்.

இதற்காக   இன்று காலை 10 மணிக்கு சென்னையில் இருந்து விமானம் மூலம் கோவை வருகை தரும் முதல்வரை  விமான நிலையத்தில் அமைச்சர் செந்தில்பாலாஜி தலைமையில் தி.மு.க.வினர் உற்சாக வரவேற்பு அளிக்கிறார்கள்.  காலை 11.30 மணிக்கு விளாங்குறிச்சியில் எல்காட் நிறுவனம் சார்பில் தகவல் தொழில் நுட்ப சிறப்பு பொருளாதார மண்டல வளாகத்தில் ரூ.114.16 கோடி மதிப்பில் 8 தளங்களுடன் 3.94 ஏக்கரில் கட்டப்பட்ட புதிய தகவல் தொழில்நுட்ப பூங்கா கட்டிடத்தை  திறந்து வைக்கிறார்.

பின்னர் பிற்பகல்  12 மணிக்கு சுகுணா திருமண மண்டபத்தில் களஆய்வு பணியின் ஒரு அங்கமாக, முதல்வர்  முன்னெடுப்பு திட்டத்தின் கீழ் தமிழ்நாடு வீட்டுவசதி வாரியம் சார்பில் நில எடுப்பில் இருந்து நிலங்கள் விடுவிக்கப்பட்டதற்கான ஆணைகளை அந்த நில உரிமையாளர்களுக்கு வழங்குகிறார் .இதைத்தொடர்ந்து மாலை 4 மணிக்கு போத்தனூர் பி.வி.ஜி. திருமண மண்டபத்தில் நடைபெறும் தி.மு.க. நிர்வாகிகள் ஆலோசனை கூட்டத்தில் கலந்து கொள்கிறார். இந்தக் கூட்டத்தில் 2026 சட்டசபை தேர்தலை எதிர்கொள்வது குறித்து ஆலோசனைகள் மேற்கொள்ளப்பட உள்ளன. இரவு அரசு விருந்தினர் மாளிகையில் தங்கி ஓய்வெடுக்கிறார். முதல்வரின்   வருகையையொட்டி கோவையில் 3,500 போலீசார் பாதுகாப்பு பணியில் ஈடுபடுத்தப்பட்டுள்ளனர்.  

ஐப்பசி மாசத்துல இந்த 6 ராசிக்காரர்களுக்கும் அதிர்ஷ்ட மழை...

 ஐப்பசியில இந்த 6 ராசிக்காரங்க யாருக்கும் ஜாமீன் கையெழுத்து போடாதீங்க

இந்த 8 நட்சத்திரக்காரர்களுக்கு அதிர்ஷ்ட மழை... வாய்ப்பை பயன்படுத்திக்கோங்க!