அசத்தல் வீடியோ... பெர்த் வசதியுடன் வந்தே பாரத் ரயில் 180 கி.மீ. வேகத்தில் சோதனை!
படுக்கை வசதி கொண்ட வந்தே பாரத் ரயில், சோதனை ஓட்டத்தில் 180 கி.மீ. வேகத்தில் ஓடியது. வந்தே பாரத் ரயிலின் சோதனை ஓட்டம் குறித்த வீடியோ ஒன்றை மத்திய ரயில்வே அமைச்சர் அஸ்வினி வைஷ்ணவ் தனது எக்ஸ் பக்கத்தில் பகிர்ந்துள்ளார்.
Vande Bharat (Sleeper) testing at 180 kmph pic.twitter.com/ruVaR3NNOt
— Ashwini Vaishnaw (@AshwiniVaishnaw) January 2, 2025
படுக்கை வசதி கொண்ட வந்தே பாரத் ரயில் விரைவில் பயன்பாட்டுக்கு வரும் என எதிர்பார்க்கப்படுகிறது. இதையொட்டி அந்த ரயிலின் சோதனை ஓட்டம் தொடர்ந்து நடந்து வருகிறது. இந்நிலையில் படுக்கை வசதி கொண்ட வந்தே பாரத் ரயிலின் சோதனை ஓட்டம் குறித்த வீடியோ ஒன்றை மத்திய ரயில்வே மந்திரி அஸ்வினி வைஷ்ணவ் தனது எக்ஸ் பக்கத்தில் பகிர்ந்துள்ளார்.
ரயில் மணிக்கு 180 கி.மீ. வேகத்தில் செல்வதையும், அப்போது ரயிலுக்குள் கண்ணாடி டம்ளரில் வைக்கப்பட்டிருந்த தண்ணீர் சலனமின்றி இருப்பதையும் அந்த வீடியோ காட்டுகிறது.
இந்த நிலையில் வந்தே பாரத் ரெயிலின் சோதனை ஓட்டம் குறித்து மத்திய ரயில்வே அமைச்சகம் அறிக்கை ஒன்றை வெளியிட்டுள்ளது. அதில், “படுக்கை வசதி கொண்ட வந்தே பாரத் ரயில் கடந்த 3 நாட்களில் அதன் பல சோதனைகளில் மணிக்கு 180 கி.மீ வேகத்தை எட்டியுள்ளது. நாடு முழுவதும் உள்ள ரயில் பயணிகளுக்கு நீண்ட தூர பயணத்திற்கான உலகத்தரம் வாய்ந்த பயணம் கிடைக்க இந்த மாத இறுதி வரை இந்த சோதனைகள் தொடரும்” என்று கூறப்பட்டுள்ளது.
2025 புத்தாண்டு இந்த 6 நட்சத்திரத்தில் பிறந்தவங்களுக்கு தான் அதிர்ஷ்ட மழை!
மார்கழி மாத விரத முறைகள், வழிபாடு, பலன்கள்!
ஐயப்பன் பக்தர்கள் தெரிஞ்சிக்கோங்க ... சபரிமலை சுவாரஸ்யங்கள்!