குஷியில் ‘தல’ ரசிகர்கள்... உதயநிதி தயாரிப்பில் அஜித் நடிக்கவுள்ள பிரம்மாண்ட படம்!

‘தல’ ரசிகர்களுக்கு குஷியான செய்தி. நடிகர் அஜீத், அடுத்ததாக ரெட் ஜெயண்ட் மூவிஸ் சார்பில் உதயநிதி ஸ்டாலின் தயாரிக்கும் பிரம்மாண்டமான படத்தில் நடிக்க இருப்பதாக தகவல்கள் வெளியாகியுள்ளன.
தென்னிந்திய திரையுலகின் முன்னணி நடிகரான அஜித் குமார், துணிவு படத்தை தொடர்ந்து 'விடாமுயற்சி' படத்தில் நடித்துள்ளார். இப்படம் பிப்ரவரி 6ம் தேதி வெளியாக உள்ள நிலையில் ஆதிக் ரவிச்சந்திரன் இயக்கத்தில் தனது 63வது படமான 'குட் பேட் அக்லி' படத்திலும் நடித்து முடித்துள்ளார். இப்படம் ஏப்ரல் 10ம் தேதி வெளியாக உள்ளது.
சமீபத்தில் நடிகர் அஜித் குமார் துபாயில் நடந்த 24H சீரிஸ் கார் பந்தயத்தில் தனது அணியுடன் கலந்து கொண்டு 3வது இடத்தை பிடித்து அசத்தினார். அதனை தொடர்ந்து ஐரோப்பிய கார் பந்தயத்தில் கலந்து கொள்ள இருப்பதால் அதற்கான தீவிரமான பயிற்சியில் ஈடுபட்டு வருகிறார். இந்நிலையில் நடிகர் அஜீத்குமார் கார் பந்தயம் காரணமாக இனிமேல் வருடத்திற்கு ஒரு படம் தான் நடிக்க போகிறேன் என தெரிவித்திருந்தார்.
அதன்படி நடிகர் அஜீத்குமார் அடுத்ததாக நடிக்க உள்ள புதியபடம் (64வது படம்) குறித்த தகவல் வெளியாகி உள்ளது. இந்த படத்தை ரெட் ஜெயண்ட் மூவிஸ் சார்பில் உதயநிதி ஸ்டாலின் தயாரிக்கிறார். ஜித்தின் 'பில்லா, ஆரம்பம்' போன்ற படங்களை இயக்கிய விஷ்ணுவர்தன் இந்த படத்தையும் இயக்க உள்ளதாகவும் தகவல் வெளியாகி உள்ளது. பிரம்மாண்டமான பட்ஜெட்டில் உருவாகவுள்ள இப்படம் குறித்த அறிவிப்புகள் விரைவில் வெளியாகலாம் என எதிர்பார்க்கப்படுகிறது.
2025 புத்தாண்டு இந்த 6 நட்சத்திரத்தில் பிறந்தவங்களுக்கு தான் அதிர்ஷ்ட மழை!
மிஸ் பண்ணாதீங்க... தை மாதத்தின் சிறப்புகள், வழிபாடுகள்!
தை மாத ராசிபலன்கள்... எந்தெந்த ராசிக்காரர்களுக்கு ஏற்றம்?
செல்வத்தை செழிக்கச் செய்யும் தை மாத ஞாயிறு விரதம்!
தை வெள்ளிக்கிழமை... வாழ்க்கையில ஜெயிக்க இதை செய்ய மறக்காதீங்க!