சர்ச்சையைக் கிளப்பிய பாடல்... ரகுல்பிரீத் சிங் கவர்ச்சி நடனம்!
பாலிவுட் நடிகை ரகுல்பிரீத் சிங் மற்றும் அஜய் தேவ்கன் இணைந்து நடித்துள்ள ‘தே தே பியார் தே – 2’ திரைப்படத்தின் பாடல் தற்போது இணையத்தில் பெரும் சர்ச்சையை ஏற்படுத்தியுள்ளது.
திருமணத்திற்குப் பிறகும் திரைப்படங்களில் தொடர்ந்து நடித்து வருகிறார் ரகுல்பிரீத் சிங். அயலான், இந்தியன்–2 போன்ற படங்களில் நடித்த அவர், தற்போது ‘தே தே பியார் தே – 2’ படத்தில் முக்கிய கதாபாத்திரத்தில் நடிக்கிறார். சமீபத்தில் இந்தப் படத்தில் இடம்பெற்ற ‘ஜூம்வுராபி’ என்ற பாடல் வெளியிடப்பட்டது.
அந்த பாடலில் அஜய் தேவ்கனுடன் இணைந்து ரகுல்பிரீத் சிங் ஆடிய கவர்ச்சி நடனம் சமூக வலைதளங்களில் வேகமாக வைரலாகி வருகிறது. பாடல் காட்சிகளில் அவர் மது பாட்டிலுடன் ஆடும் சில காட்சிகள் மற்றும் அஜய் தேவ்கனுடன் இடம்பெற்ற நெருக்கமான காட்சிகள் ரசிகர்களிடையே பல்வேறு எதிர்வினைகளை ஏற்படுத்தியுள்ளன.
ஒருபுறம், சில ரசிகர்கள் இந்த காட்சிகளை சினிமாவின் ஓர் பகுதி எனப் பாராட்டுகின்றனர். மறுபுறம், சிலர் இதை தேவையற்ற கவர்ச்சியாக விமர்சித்து வருகின்றனர். “அஜய் தேவ்கனின் மனைவி கஜோல் பார்த்தால் என்ன ஆகும்?” எனும் கேள்வியுடன் சிலர் சமூக வலைதளங்களில் பதிவுகளும் பகிர்ந்துள்ளனர்.
இந்நிலையில், பாடலுக்கான ஆதரவாளர்கள் இதை கலைச்சுதந்திரமாகக் கருதி ரகுல்பிரீத் சிங்கின் ஆட்டத்தையும் அழகையும் பாராட்டி வருகின்றனர். இதனால் ‘ஜூம்வுராபி’ பாடல் தற்போது பாலிவுட் வட்டாரத்தில் பேசப்படும் முக்கிய சர்ச்சையாக மாறியுள்ளது.
இதையும் பிடிச்சிருந்தா படிச்சு பாருங்க
புரட்டாசி மாதத்தில் இத்தனை சிறப்புகளா? என்னென்ன வழிபாடுகள், பலன்கள் தெரியுமா?
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்
பளபளக்கும் மிருதுவான சருமத்திற்கு இதை மட்டும் செய்தாலே போதும்!!