அடுத்தடுத்து தொடரும் சோகம்... கோட்டா நகரில் நீட் தேர்வு மாணவர் தற்கொலை!

ராஜஸ்தான் மாநிலம் கோட்டாவில் நீட் தேர்வுக்கு பயிற்சி பெற்றுவந்த 21 வயதுடைய மருத்துவ மாணவர் தற்கொலை செய்து கொண்டது பெரும் சோகத்தை ஏற்படுத்தியுள்ளது. ராஜஸ்தானில் கோட்டா நகரில் இந்த வருடத்தில் நீட் தேர்வுக்கு பயிற்சி எடுத்து வந்த 13 பயிற்சி மாணவர்கள் தற்கொலை செய்துகொண்டிருப்பது குறிப்பிடத்தக்கது. 

உத்தரப் பிரதேச மாநிலம் பர்சானாவின் மதுரா பகுதியைச் சேர்ந்தவர் பர்சுராம். இவர் நீட் தேர்வு பயிற்சிக்காக கடந்த வாரம் கோட்டாவுக்கு வந்தார். அங்கு தனியாக அறை எடுத்து தங்கியிருந்தபடியே தனியார் பயிற்சி மையம் ஒன்றில் நீட் தேர்வுக்கு பயிற்சி பெற்று வந்தார் பர்சுராம். 

இந்நிலையில் நேற்றிரவு 11.30 மணியளவில், பர்சுராம் நீண்ட நேரமாக வீட்டிலிருந்து வெளியே வராததால், அவர் தங்கியிருந்த வீட்டின் உரிமையாளர் அனூப் குமார், சந்தேகமடைந்த நிலையில், நீண்ட நேரமாக அறையின் கதவை தட்டியுள்ளார். அறைக் கதவை நீண்ட நேரம் தட்டியும் திறக்காததால், அவர் இது குறித்து தனது சந்தேகத்தைத் தெரிவித்து காவல்துறைக்கு தகவல் தெரிவித்தார்.

சம்பவ இடத்திற்கு உடனடியாக சென்ற போலீசார் அறையின் கதவை உடைத்து திறந்துச் சென்று உள்ளே பார்த்த போது, பர்சுராம் தூக்கில் தொங்கிய நிலையில் சடலமாக மீட்கப்பட்டார். அவரது உடல் எம்.பி.எஸ் மருத்துவமனைக்கு அனுப்பி வைக்கப்பட்டது. 

பர்சுராமின் குடும்ப உறுப்பினர்கள் கோட்டாவுக்கு வந்தபின்னர் பிரேதப் பரிசோதனை நடத்த திட்டமிடப்பட்டுள்ளது. பர்சுராமின் தற்கொலைக்குப் பின்னால் உள்ள காரணங்கள் தெளிவாக தெரியவில்லை. இந்த சம்பவம் தொடர்பாக வழக்குப்பதிவு செய்து போலீசார் விசாரணை நடத்தி வருகின்றனர். 

நாடு முழுவதும் இருந்தும் ராஜஸ்தான் மாநிலம் கோட்டா நகரில் ஜேஇஇ மற்றும் நீட் போன்ற போட்டித் தேர்வுகளை எழுத இருப்பவர்கள் குவிகிறார்கள். போட்டித் தேர்வுகளுக்கான பயிற்சி மையங்கள் அதிகம் உள்ள இடமாக திகழ்கிறது கோட்டா. இந்நகரில் பயிற்சி மையங்களில் சேர்ந்து போட்டித் தேர்வுகளுக்குத் தயாராகும் மாணவர்கள் பெருமளவில் தேர்ச்சியடைவதால், பல மாநிலங்களில் இருந்தும் பெற்றோர்கள் தங்கள் பிள்ளைகளை இந்நகரில் பயிற்சி மையங்களில் சேர்க்கின்றனர். அதே சமயம் தொடர் அழுத்தங்களால் இந்த ஆண்டு மட்டும் இதுவரை இந்நகரில் தங்கியிருந்து நீட் தேர்வுக்கு தயாராகி வந்த 13 பேர் பயிற்சி மாணவர்கள் தற்கொலை செய்து கொண்டுள்ளனர். மாணவர்களின் மன அழுத்தத்தைக் குறைக்கவும், தற்கொலைகளைத் தடுக்கவும் கோட்டா காவல்துறை மற்றும் உள்ளூர் நிர்வாகம் பல்வேறு முயற்சிகளை எடுத்துவரும் நிலையில் மீண்டும் ஒரு தற்கொலை சம்பவம் நிகழ்ந்துள்ளது அதிர்ச்சியடைய செய்துள்ளது.

இதையும் பிடிச்சிருந்தா படிச்சு பாருங்க

வாழ்வில் செல்வமும், அதிர்ஷ்டமும் கிடைக்க இதை மறக்காதீங்க!

பகீர்! கல்லூரி மாணவியைக் கடத்தி பாலியல் வன்கொடுமை!

பாதாள அறையில் சாய்பாபா! ஷீரடி போகும் போது இதை மிஸ் பண்ணாதீங்க!

வீடியோ! குளிக்கச் சென்றவரை உயிரோடு முழுங்கிய முதலை