உஷார்... நாளை முதல் புறநகா் மின்சார ரயில் சேவையில் நேர மாற்றம்!
சென்னையில் புறநகா் மின்சார ரயில் சேவை நாளை ஜனவரி 2 ம் தேதி வியாழக்கிழமை முதல் மாற்றம் செய்யப்படவுள்ளது. அதன்படி தெற்கு ரயில்வேயின் புதிய கால அட்டவணை இன்று ஜனவரி 1ம் தேதி முதல் அமலுக்கு வந்துள்ளது. பயணிகள் வசதிக்காகவும், இயக்ககக் காரணங்களுக்காகவும் சென்னை ரயில்வே கோட்டத்தில் இயக்கப்படும் புகா் மின்சார ரயில்களின் சேவையில் மாற்றம் செய்யப்பட்டு இருப்பதாக தெற்கு ரயில்வே அறிவித்துள்ளது.
இது குறித்து சென்னை ரயில்வே கோட்டம் “ சென்னை சென்ட்ரலில் இருந்து திருத்தணிக்கு காலை 7.25 மணிக்கு புறப்படும் ரயில், பட்டாபிராமுக்கு காலை 7.35க்கு புறப்படும் ரயில் ஆவடி சென்றடையும் நேரம் மாற்றம் செய்யப்படுகிறது.
அதே போல் திருத்தணிக்கு இரவு 8.10க்கு புறப்படும் ரயில், திருவள்ளூருக்கு இரவு 8.15க்கு புறப்படும் ரயிலின் நேரமும் மாற்றம் செய்யப்படவுள்ளது. ஆவடி, அரக்கோணம், பட்டாபிராம் செல்லும் 6 ரயில்களின் எண் மற்றும் நேரம் மாற்றம் செய்யப்படவுள்ளது.
சென்னை கடற்கரையிலிருந்து தாம்பரத்துக்கு காலை 10.01, மாலை 6.01-க்கு புறப்படும் ரயில், செங்கல்பட்டுக்கு மாலை 5.55-க்கு புறப்படும் ரயில்களின் நேரம் மாற்றம் செய்யப்படவுள்ளது.
இந்த வழித்தடத்தில் 14 ரயில்களின் எண் மற்றும் 4 ரயில்களின் எண் மற்றும் நேரம் மாற்றம் செய்யப்படவுள்ளது. சூலூா்பேட்டை, வேளச்சேரி மாா்க்கத்தில் இயக்கப்படும் மின்சார ரயில்களில் எவ்வித மாற்றமும் இல்லை. இந்த நேர மாற்றம் வியாழக்கிழமை ஜனவரி 2 முதல் வார நாள்களில் மட்டுமே நேர மாற்றம் செய்யப்பட்டுள்ளதாக சென்னை ரயில்வே கோட்டம் தெரிவித்துள்ளது.
மேலும் இன்று புத்தாண்டை முன்னிட்டு மின்சார ரயில் சேவையில் மாற்றம் செய்யப்பட்டுள்ளது.
புத்தாண்டு விடுமுறையை முன்னிட்டு, சென்னை கடற்கரை - செங்கல்பட்டு, சென்னை கடற்கரை - வேளச்சேரி, சென்னை சென்ட்ரல் - அரக்கோணம், சென்னை சென்ட்ரல் - சூலூா்பேட்டை வழித்தடத்தில் இயக்கப்படும் மின்சார ரயில்கள் ஞாயிற்றுக்கிழமை அட்டவணைப்படி இயக்கப்படும். இதன்படி 10 முதல் 20 நிமிடத்துக்கு ஒரு ரயில் இயக்கப்படும் என சென்னை ரயில்வே கோட்டம் தெரிவித்துள்ளது.
2025 புத்தாண்டு இந்த 6 நட்சத்திரத்தில் பிறந்தவங்களுக்கு தான் அதிர்ஷ்ட மழை!
மார்கழி மாத விரத முறைகள், வழிபாடு, பலன்கள்!
ஐயப்பன் பக்தர்கள் தெரிஞ்சிக்கோங்க ... சபரிமலை சுவாரஸ்யங்கள்!