’ பதேர் பாஞ்சாலி’ புகழ் உமா தாஸ் குப்தா காலமானார்... திரைத்துறையினர் இரங்கல்!
சத்யஜித்ரே இயக்கத்தில் உருவான படம் 'பதேர் பாஞ்சாலி' .இந்த திரைப்படத்தில் துர்கா கதாபாத்திரத்தில் நடித்து புகழ்பெற்றவர் நடிகை உமா தாஸ்குப்தா. இவர் சிறுவயதிலிருந்தே மேடையில் நடிப்பதை வழக்கமாக கொண்டவர். அவர் பள்ளியில் படிக்கும் போது நாடகத்தில் நடித்ததைக் கண்ட சத்யஜித்ரே, 'பதேர் பாஞ்சாலி'யில் துர்கா கதாபாத்திரத்திற்காக அவரைத் தேர்ந்தெடுத்தார்.
பிபூதிபூஷன் பந்தோபாத்யாயின் நாவலை அடிப்படையாகக் கொண்ட 'பதேர் பாஞ்சாலி' திரைப்படம் உருவானது.1955ல் வெளியான பதேர் பாஞ்சாலி திரைப்படத்தால் உமா தாஸ் குப்தாவுக்கு பெரும் புகழ் கிடைத்தது. இதுதான் அவருக்கு முதல் திரைப்படம். அவருடைய சொந்த காரணங்களுக்காக அவர் வேறு எந்த படங்களிலும் நடிக்காமல், திரைத்துறையை விட்டு விலகிவிட்டார்.
இதன் பிறகு புற்றுநோயால் பாதிக்கப்பட்டு நீண்ட நாட்களாக சிகிச்சைப் பெற்று வந்தார். 84 வயதான இவர் கொல்கத்தாவில் உள்ள ஒரு தனியார் மருத்துவமனையில் அனுமதிக்கப்பட்டிருந்த நிலையில், சிகிச்சைப் பலனின்றி நேற்று உயிரிழந்ததாக தகவல்கள் வெளியாகியுள்ளன. ஒரே ஒரு படத்தின் மூலம் ரசிகர்களின் நெஞ்சங்களை கொள்ளை கொண்டு பிரபலமான உமா தாஸ்குப்தாவின் மறைவு, திரைத்துறையினர் மத்தியில் சோகத்தை ஏற்படுத்தி உள்ளது.
கார்த்திகை ஸ்பெஷல்... சங்காபிஷேகம் விரதமுறை, பலன்கள்!
ஐயப்ப பக்தர்கள் தினசரி சொல்ல வேண்டிய ஸ்லோகம் இது தான்..!
ஐயப்பன் பக்தர்கள் தெரிஞ்சிக்கோங்க ... சபரிமலை சுவாரஸ்யங்கள்!
கார்த்திகை மாத சிறப்புகள், பண்டிகைகள் , வழிபாடுகள்... முழு தகவல்கள்!