சென்னை ஈ.சி.ஆரில் நள்ளிரவு நடந்தது என்ன? பாதிக்கப்பட்ட பெண் பரபரப்பு பேட்டி!

 
ஈசிஆர்
கடந்த இரு தினங்களாக சென்னை ஈசிஆர் சாலையில் திமுக கொடி கட்டப்பட்ட கார் வீடியோ தான் சமூக வலைத்தளங்களில் வைரலாகி வருகிறது. எதிர்கட்சி  உட்பட பல அரசியல் தலைவர்களும் கண்டனம் தெரிவித்துள்ள நிலையில், அன்றைய நள்ளிரவில் நடந்தது என்ன? என்று பாதிக்கப்பட்ட பெண் பரபரப்பு பேட்டியளித்துள்ளார். 

ஈசிஆர் சம்பவம் நடைபெற்ற பின்பு உடனடியாக காவல் துறையை அழைத்ததும், அவர்கள் வீட்டிற்கு விரைந்து வந்து விசாரித்தனர் என பாதிக்கப்பட்ட பெண் பேட்டியில் தெரிவித்துள்ளார். 

சென்னை ஈ.சி.ஆர். சாலையில் முட்டுக்காடு பகுதியில் நள்ளிரவு நடுரோட்டில் காரை நிறுத்திய இளைஞர்கள் மற்றொரு காரில் வந்த பெண்களைத் துரத்தி சென்ற சம்பவம் அதிர்ச்சியை ஏற்படுத்தி இருந்தது. இளைஞர்களின் காரில் திமுக கொடி கட்டப்பட்டிருந்தது. இது தொடர்பாக சமூக வலைதளத்தில் வீடியோ ஒன்று வைரலானது.

அந்த வீடியோவில் 2க்கும் மேற்பட்ட இளம்பெண்கள் ஒரு காரில் ஈ.சி.ஆர். சாலையில் நள்ளிரவில் சென்று கொண்டிருந்தனர். அப்போது அந்த காரை திமுக கட்சிக்கொடி பொருத்தப்பட்டிருந்த காரில் வந்த 5க்கும் மேற்பட்ட இளைஞர்கள் நடுரோட்டில்  துரத்திச் சென்று இடைமறித்தனர். இதனால் அதிர்ச்சியடைந்த காரில் இருந்த பெண்கள் கூச்சலிட்டுள்ளனர். திடீரென அந்த காரில் இருந்த இளைஞர்களில் ஒருவர் இளம்பெண்கள் பயணித்த காரை நோக்கி வேகமாக ஓடி வந்தார்.

இதனால், மேலும் அதிர்ச்சியடைந்த பெண்கள் காரை ரிவர்ஸ் எடுத்து வேகமாக மாற்று பாதையில் சென்றனர். ஆனாலும், அந்த பெண்கள் பயணித்த காரை பின் தொடர்ந்து சென்ற அந்த கும்பல் மீண்டும் அவர்களது காரை இடைமறித்தது. பெண்கள் தங்கள் உறவினர் வீடு அருகே வரும் வரை அந்த இளைஞர்கள் காரில் துரத்தி வந்துள்ளனர்.

இந்த சம்பவம் தொடர்பான வீடியோ தற்போது சமூக வலைதளத்தில் வைரலாகி வரும் நிலையில் வீடியோவின் உண்மைத்தன்மை குறித்தும், இளம்பெண்களை காரில் துரத்தியது யார்? என்பது குறித்தும் போலீசார் விசாரணை நடத்தி  வருகின்றனர்.

இந்த சூழலில் காரில் பெண்களை துரத்திய இளைஞர்கள் மீது 4 பிரிவுகளில் வழக்கு பதிவு செய்யப்பட்டது. இதனிடையே பெண்கள் சென்ற கார் இளைஞர்களின் காரை உரசி சென்றதாகவும், அதற்கு நியாயம் கேட்க இளைஞர்கள் காரை நிறுத்த சொல்லியும் பெண்கள் காரை நிறுத்தாமல் சென்றதாகவும், காரை நிறுத்தி நியாயம் கேட்கவே இளைஞர்கள் காரை துரத்தியதாகவும் முதற்கட்ட விசாரணையில் தெரிய வந்துள்ளதாக போலீசார் தெரிவித்திருந்தனர்.

ஈசிஆர்

இந்நிலையில் ஈ.சி.ஆர். சம்பவத்தின் போது, நடந்த விஷயங்களை பற்றி பாதிக்கப்பட்ட பெண் பேட்டி ஒன்றில் கூறியுள்ளார். அவரது பேட்டியில், நாங்கள் அவர்களது காரின் மீது மோதியதாக கூறப்படுவது, பொய்யான குற்றச்சாட்டு. நாங்கள் மது அருந்தவில்லை. குழந்தை மற்றும் குடும்பத்தோடு காரில் பயணித்தோம்.

இந்த சம்பவம் நடைபெற்ற பின்பு உடனடியாக காவல் துறையை அழைத்தோம். எங்கள் வீட்டிற்கு விரைந்து வந்த காவல் துறையினர் சம்பவம் குறித்து விசாரித்தனர். சாலையில் உள்ள அனைத்து சிசிடிவி கேமராக்களிலும் சம்பவத்தின் முழுமையான காட்சிகள் பதிவாகி உள்ளன என்றார்.

இந்த விவகாரத்தில், 3 தனிப்படைகள் அமைக்கப்பட்டு விசாரணை நடந்து வருகிறது. குற்றவாளிகள் பயனபடுத்திய கார்களை பறிமுதல் செய்யவும் நடவடிக்கை எடுக்கப்பட்டு வருகிறது என்று டி.ஜி.பி. அலுவலகம் தெரிவித்துள்ளது.

2025 புத்தாண்டு இந்த 6 நட்சத்திரத்தில் பிறந்தவங்களுக்கு தான் அதிர்ஷ்ட மழை!

மிஸ் பண்ணாதீங்க... தை மாதத்தின் சிறப்புகள், வழிபாடுகள்!

தை மாத ராசிபலன்கள்... எந்தெந்த ராசிக்காரர்களுக்கு ஏற்றம்?

செல்வத்தை செழிக்கச் செய்யும் தை மாத ஞாயிறு விரதம்!

தை வெள்ளிக்கிழமை... வாழ்க்கையில ஜெயிக்க இதை செய்ய மறக்காதீங்க! 

From around the web