ஸ்கூட்டி மீது பேருந்து மோதி பெண் பலி... மகன் உட்பட 2பேர் படுகாயம்!

தூத்துக்குடி மாவட்டம் திருநெல்வேலி நெடுஞ்சாலையில் ஸ்கூட்டி மீது தனியார் பேருந்து மோதிய விபத்தில் பெண் உயிரிழந்தார். அவரது மகன் உட்பட 2பேர் காயம் அடைந்தனர்.  

தூத்துக்குடி மாவட்டம், சாத்தான்குளம் காலனி தெருவைச் சேர்ந்தவர்  சுடலைமணி மனைவி பேச்சிக்கனி (45). இவரது மகன் முத்து (16). இவர்களது உறவினர் பாண்டிதுரை (20). இவர்கள் மூவரும் ஸ்கூட்டியில் சாத்தான்குளத்தில் இருந்து தூத்துக்குடிக்கு ஸ்கூட்டியில் வந்து கொண்டிருந்தனர். 

ஸ்கூட்டரை பேச்சிக்கனி ஓட்டி வந்தார். தூத்துக்குடி - திருநெல்வேலி நெடுஞ்சாலையில், கோரம்பள்ளம் பல்க் அருகே  வந்து கொண்டிருந்தபோது, பின்னால் வந்த தனியார் பஸ் ஸ்கூட்டி மீது மோதியது. இவ்விபத்தில் தூக்கி வீசப்பட்டு ஸ்கூட்டியில் வந்த 3பேரும் படுகாயம் அடைந்தனர். 

இதில், பேச்சிக்கனி சம்பவ இடத்திலேயே இறந்தார். அவரது மகன் முத்து, உறவினர்  பாண்டிதுரை ஆகிய இருவரும் தூத்துக்குடி அரசு மருத்துவமனையில் அனுமதிக்கப்பட்டு சிகிச்சை பெற்று வருகின்றனர். இந்த சம்பவம் குறித்து புதுக்கோட்டை காவல் நிலைய இன்ஸ்பெக்டர் வனசுந்தர் வழக்குப் பதிந்து விசாரணை நடத்தி வருகிறார். 

கார்த்திகை ஸ்பெஷல்... சங்காபிஷேகம் விரதமுறை, பலன்கள்!

ஐயப்ப பக்தர்கள் தினசரி சொல்ல வேண்டிய ஸ்லோகம் இது தான்..!

ஐயப்பன் பக்தர்கள் தெரிஞ்சிக்கோங்க ... சபரிமலை சுவாரஸ்யங்கள்!

கார்த்திகை மாத சிறப்புகள், பண்டிகைகள் , வழிபாடுகள்... முழு தகவல்கள்!