’வாரத்திற்கு 6 நாள் வேலை அவசியம்’.. மீண்டும் வலியுறுத்திய தொழிலதிபர் நாராயண மூர்த்தி!

CNBC - TV18 உலகளாவிய தலைமைத்துவ உச்சி மாநாடு டெல்லியில் நடைபெற்றது. இதில் கலந்து கொண்ட இன்ஃபோசிஸ் இணை நிறுவனர் என்.ஆர்.நாராயண மூர்த்தி பேசினார். அப்போது அவர் பேசியது கவனத்தை ஈர்த்துள்ளது.

Capitalists like Narayana Murthy and others, despite their immense wealth, often reveal a lack of empathy and understanding for the everyday struggles of workers. Their nostalgic yearning for extended workweeks reeks of an outdated mindset that places profit over human welfare.… pic.twitter.com/fh9833bvWr

— ಕನ್ನಡಿಗ | 𝐊𝐚𝐧𝐧𝐚𝐝𝐢𝐠𝐚 (@Kannadiga71) November 15, 2024

“இந்தியாவின் பொருளாதார முன்னேற்றத்திற்கு கடின உழைப்பும் அர்ப்பணிப்பும் தேவை. அதற்கு 6 நாள் வேலை வாரம் முக்கியம் என்று நான் உறுதியாக நம்புகிறேன். நான் 6 நாள் வேலை வாரத்தை ஆதரிக்கிறேன். என் கடைசி மூச்சு வரை இதைப் பின்பற்றுவேன். என்றும் மாறப்போவதில்லை. எனது பணி அனுபவத்தில் நான் ஒரு நாளைக்கு 14 மணி நேரம் வரை வேலை செய்தேன். 1986ல், வாரத்தில் 5 நாட்கள் மட்டுமே என்ற மாற்றம் என்னை ஏமாற்றியது. இன்றுவரை அந்த மாற்றத்தை நான் ஏற்கவில்லை.

தேசத்தின் முன்னேற்றத்திற்காக கடுமையாக உழைக்க வேண்டியது அவசியம். நீங்கள் மிகவும் புத்திசாலியாக இருந்தாலும், நீங்கள் கடினமாக உழைக்க வேண்டும், நாம் வேலை உற்பத்தித்திறனை மேம்படுத்தவில்லை, ஊழலை குறைக்க வேண்டும், அதிகார வர்க்கத்தின் தாமதத்தை குறைக்க வேண்டும், வளர்ந்த நாடுகளுடன் போட்டியிட முடியாது. இளைஞர்கள் வாரத்தில் 70 மணி நேரம் வேலை செய்ய வேண்டும் என்பதே எனது வேண்டுகோள். இந்தியா என் நாடு என்பதால் இதைச் சொல்கிறேன்.

இரண்டாம் உலகப் போருக்குப் பிறகு ஜப்பானிலும் ஜெர்மனியிலும் இதுதான் நடந்தது. சில ஆண்டு காலங்கள் அனைத்து ஜேர்மனியர்களும் கூடுதல் நேரம் வேலை செய்வதை உறுதி செய்தன. கடினமாக உழைக்க நாம் மாற வேண்டும். அப்படி நடந்தால் தான் உலக அளவில் நமது நாட்டின் பொருளாதார வளர்ச்சியை காண முடியும்’ என்றார்.

முன்னதாக, கடந்த ஆண்டு அக்டோபர் மாதம், "தற்போது இளம் இந்தியர்கள் தங்கள் வேலை நேரத்தை வாரத்திற்கு குறைந்தது 70 மணிநேரமாக நீட்டிக்க வேண்டும்" என்று பரிந்துரைத்திருந்தார். இதற்காக நாடு முழுவதும் அவருக்கு கடும் கண்டனம் எழுந்தது. இப்போதும் அதே கருத்தை அவர் வலியுறுத்தினார். இது தொடர்பான வீடியோ இணையத்தில் வெளியாகியுள்ளது.

ஐப்பசி மாசத்துல இந்த 6 ராசிக்காரர்களுக்கும் அதிர்ஷ்ட மழை...

 ஐப்பசியில இந்த 6 ராசிக்காரங்க யாருக்கும் ஜாமீன் கையெழுத்து போடாதீங்க

இந்த 8 நட்சத்திரக்காரர்களுக்கு அதிர்ஷ்ட மழை... வாய்ப்பை பயன்படுத்திக்கோங்க!