14-வது ஐபிஎல் சீசனில் எஞ்சிய போட்டிகள் செப்டம்பரில் ஐக்கிய அரபு அமீரகத்தில் நடைபெறுகிறது

 
14-வது ஐபிஎல் சீசனில் எஞ்சிய  போட்டிகள் செப்டம்பரில் ஐக்கிய அரபு அமீரகத்தில் நடைபெறுகிறது

ஐ.பி.எல். 20 ஓவர் கிரிக்கெட் போட்டிகள் ஒவ்வொரு வருடமும் நடத்தப்பட்டு வருகிறது. சென்ற ஆண்டு கொரோனா பரவல் காரணமாக அமீரகத்தில் நடத்தப்பட்டது. தற்போது நடப்பாண்டிற்கான போட்டிகள் இந்தியாவில் நடத்தப்பட்டன. ஏப்ரல் 9ம் தேதி தொடங்கப்பட்ட ஐபிஎல் போட்டிகள் கொரோனா பரவல் காரணமாக ரசிகர்கள் இல்லாமல் சென்னை, மும்பை, டெல்லி, அகமதாபாத், கொல்கத்தா, பெங்களூர் நகரங்களில் போட்டிகளை நடத்தப்பட்டு வந்தது.

14-வது ஐபிஎல் சீசனில் எஞ்சிய  போட்டிகள் செப்டம்பரில் ஐக்கிய அரபு அமீரகத்தில் நடைபெறுகிறது

இந்நிலையில் கொல்கத்தா நைட் ரைடர்ஸை சேர்ந்த வருண் சக்கரவர்த்தி, சந்தீப் வாரியர், ஐதராபாத் அணியில் விருத்திமான் சஹாவுக்கும், டெல்லி அணியில் அமித் மிஸ்ராவுக்கும் கொரோனா உறுதி செய்யப்பட்டது. அவர்களுடன் சென்னை சூப்பர் கிங்ஸ் அணியின் பயிற்சியாளர் எல்.பாலாஜிக்கும், அணியின் பஸ் கிளீனருக்கும் கொரோனா உறுதி செய்யப்பட்டது. மேலும் வீரர்களுக்கு கொரோனா பாதிப்பு ஏற்பட்டதால் கிரிக்கெட் வாரியமும், ஐ.பி.எல். ஆட்சிமன்ற குழுவும் முடிவு செய்து ஐ.பி.எல். போட்டியை காலவரையின்றி ஒத்திவைக்கப்பட்டது.

14-வது ஐபிஎல் சீசனில் எஞ்சிய  போட்டிகள் செப்டம்பரில் ஐக்கிய அரபு அமீரகத்தில் நடைபெறுகிறது

இந்நிலையில் 14-வது ஐபிஎல் சீசனின் இந்தியாவில் 29 லீக் போட்டிகள் நடைபெற்ற நிலையில், மீதமுள்ள 31 போட்டிகளை ஐக்கிய அரபு அமீரகத்தில் நடத்த பி.சி.சி.ஐ திட்டமிட்டுள்ளது. இந்திய அணிக்கு செப்டம்பர் 14ம் தேதி வரை டெஸ்ட் தொடர் உள்ளதாலும், அக்டோபர் கடைசியில் டி20 உலகக்கோப்பை தொடங்கிவிடும் என்பதாலும், செப்டம்பர் மாத பாதியில் தொடங்கி, அக்டோபர் பாதிக்குள் ஐபிஎல் தொடரை நடத்தி முடிக்க பி.சி.சி.ஐ திட்டமிட்டுள்ளதாக கூறப்படுகிறது.

அதன்படி, ஐக்கிய அரபு அமீரகத்தில் எஞ்சிய போட்டிகளை நடத்த அந்நாட்டு கிரிக்கெட் வாரியத்துடன் இந்திய கிரிக்கெட் வாரியம் நடத்திய பேச்சுவார்த்தையில் ஐபிஎல் போட்டிகளை அமீரகத்தில் நடத்த அந்நாட்டு கிரிக்கெட் வாரியம் அனுமதி அளித்துள்ளது என தகவல் வெளியாகியுள்ளது.

துபாய், சார்ஜா மற்றும் அபுதாபி ஆகிய மூன்று இடங்களில் மொத்தம் 25 நாட்கள் ஐபிஎல் போட்டி நடைபெறும் என தகவல் வெளியாகியுள்ளது.

இது தொடர்பாக அதிகாரப்பூர்வ அறிவிப்பு இன்னும் சில நாட்களில் வெளியாகலாம் என்று பிசிசிஐ வட்டாரங்கள் தெரிவிக்கின்றன.

From around the web