24 மணி நேரத்தில் 10 மாடி கட்டடம் உருவான அதிசயம்! வைரலாகும் வீடியோ !!

உலகத்தில் எந்த மூலையில் என்ன பொருள் உற்பத்தி செய்யப்பட்டாலும் உடனடியாக அதன் போலியை உருவாக்குவதில் மிக வலிமை வாய்ந்தது சீனா.அதே போல் வீட்டை எல்லாம் கட்டிமுடிச்சிட முடியாதுஎன்பது பலரின் எண்ணம். ஆனால் சீனா அதையும் வெறும் 24 மணி நேரத்தில் 10 மாடி கட்டடம் கட்டி முடித்துள்ளது.

சீனாவின் சாங்ஷா நகரில் கட்டப்பட்டிருக்கும் இந்த 10 மாடிக் கட்டடத்தை பிராட் குரூப் நிறுவனம் 28 மணி நேரம் 45 நிமிடத்தில் கட்டி முடித்ததாக தகவல்கள் தெரிவிக்கின்றன. இந்தக் கட்டடத்தைக் கட்டும் 4 நிமிட வீடியோவை அந்த நிறுவனமே யூடியூப்பிலும் பதிவேற்றம் செய்துள்ளது. அதில், மிக எளிதான கட்டுமானப் பணி. போல்டுகளை இணைத்து விட்டு, குடிநீர் மற்றும் மின்சார இணைப்புக் கொடுக்கப் பட்டுள்ளது. இதனை வீடியோவில் அந்த நிறுவனம் தெரிவித்துள்ளது.

கட்டுமானப் பணிகள் தொடங்கியதும், சுவர்கள், ஜன்னல்கள், அலமாரிகளை ஒன்றன் அருகே ஒன்று வைத்து, நட்டு, போல்டுகளைக் கொண்டு இறுக்கி,ஒவ்வொரு மாடியையும் முடித்து, பிறகு ஒன்றன் மேல் ஒன்றாக கட்டுமானங்களை மிகச் சரியாக அடுக்கி அதனை இணைத்துவிட்டு, கட்டுமானம் முழுமையாக முடிந்ததும், அந்தக் கட்டடத்துக்கு மின்சாரம் மற்றும் குடிநீர் இணைப்பு வழங்கியது பார்ப்பவர்களை வாயை பிளக்க வைத்துள்ளது.